قصص طريفة للأعضاء

في هالموضوع تكتب قصة طريفه حصلت عليك أوموقف محرج أمام أي أنسان
بصراحه
وأنا راح أبدئ

في يوم من الأيام بعد صلاة الظهر رحت للبقالة أبشتري أغراض صادفني عند الثلاجه الأخ سكران قالي أنت أيش أسمك على بالي واحد صاحي ويعرفني قلت أنا فلان قال أنت أخو فلان قلت نعم قال أيش أخباره قلت طيب ...الخ قال الغداء حاول فيه وعييت المهم الرجال أصر أني أتعدى معه أخذت أغراضي يوم جيت خارج من البقالة أخذني دف إلى السيارة قال خذ سيارتك وألحقني قلت طيب أخذت الأغراض وديتها البيت رحت للرجال استقبلني وقلطني في المجلس جاب القهوة شربت منها مافيها حاجه
جاب الشاي صب لي فنجان شربت الأخ حاط بدل السكر ملح أستحيت لأقول أن الشاي حامض الأخ يقول أنامعي السكري ماأشرب الشاي حطيت الفنجال على الأرض سولفنا الفنجان حقي مليان قال أشرب الشاي قبل يبرد قلت كرمت أناماشي قال والله ماتروح إلين تشرب الفنجان كله قلت طيب أخذنا في السوالف شوي أبغى كيف أتخلص من الفنجان ماقدرت طبعا المجلس توه يصلح فيه مابعد فرشه قاعدين على فرشه صغيره كلما ألتفت أصب شوي من الفنجان على الأرض سويت الطريقه ذي حتى خلص الفنجان قال أصب لك قلت أناأبروح قال ترجع عليه أقول في قلبي والله ماعاد أرجع عليك
أصعب موقف مر بحياتي