فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم April 24, 2006, 12:54 AM
 
قالت قصيميه!!!!!!!

قالت قصيميه قلت فخر ومعزه اهل الكرم والحلم والباس

قالت قصيميه قصدها بي تهزأ ماتدري إني بأفتخر وأرفع الراس

الحمد لله روسنا دوم رزّه ألّي خلقنا بس نحني له الراس

صافي نسبنا والحسب فيه عِزه أصل أصيل وفصل والعرق دسّاس

أهل الوفا والدين صافي منزه عن كل ماشاب العقيده من أدناس

حنا العقيلات إنشدي رجال غزّه حنا هل الدنيا وللدين حراس

حنا سنايد نجد في كل حزه لاخانت حلوق الرجاجيل الانفاس

حنا اجبال يعجز الريح هزه حنا لنجد حزام وعصابة الراس

نارد حياض المرجلات ونلزّه مانمشي دروب الرذيله والادناس

من يغلط لسانه علينا.. نجزّه والي يحقر قدر الرجاجيل ينداس

منا العدو تكفيه بالعين خزه يقضي عليه الخوف مع كل هوجاس

من ذكرنا في قلبه تثور نزه من طاري القصمان يبلاه وسواس

نومه كوابيس وروعه وفزه دقت نواقيس الخطر له والاجراس

وان هو لقى له من هو علينا يوزه هون له الصعبات وابليس خناس

مايدري انه للمهالك يدزه عجل على مبناه يمحى من الساس

يابنت حنا من نخانا نعزه يامن بنا الملهوف وتهابنا الناس

مرسولنا للخير دايم نكزه ولصرخة الحتاج نرخي الاكياس

تاريخنا مجد.. لبسناه بزه نمشي بوسط السوق ماندحم الساس

لك ماتركنا بكاس الامجاد مزه واجد عليك ومثلك حثالة الكاس

وش جاب حر الطير لفرخ وزه منهو يساوي جوهر الماس بنحاس

لاتحسبين انك لنا مستفزه وش ياخذ الباعوض من ريش قرناس


:Happy-55: :Happy-55: :Happy-55: :Happy-55: :Happy-55:
رد مع اقتباس
  #2  
قديم April 24, 2006, 01:02 AM
 
مشاركة: قالت قصيميه!!!!!!!

والله والنعم بالقصمان وبهل نجد والحجاز والشمال والجنوب والشرق

كل قطعه بوطنا تعتبر قطعه منا وعزها من عزنا

عسي الله يديم ها الوطن شامخ عالي ويديم علينا عزززه

فيافي قصيده رائعه :Happy-55:

تسلميين :004:
__________________
ان اتتك زينة الدنيا لا تفرح .....................وان ذهبت عنك لاتحزن

فخير الامور اوسطها واشكر الله في كلتا الحالتين,,, فبالشكر تدوم النعم وبالشكر ايضاَ تنجلي الغموم
رد مع اقتباس
  #3  
قديم April 24, 2006, 04:59 AM
 
مشاركة: قالت قصيميه!!!!!!!

فيافي

تتوه حروفي عندما تتجسد هنا بحروفك الرنانه

واصوغ في مخليتي رسم اخر لكلماتي

فلااجد مايواسي حضورك

او مايحاكيها

فالحوار معك متعه

والجثو امام ماتحكي روعه

والنظر لعيون كلماتك

لايوصف

دمتي يا غاليه

الولهان77
__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
قالت, قصيميه

أدوات الموضوع
انواع عرض الموضوع



الساعة الآن 05:10 PM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر