طلبتك يمه هاتيلي عروسه مالها رجلين قصيده اثرت فيني

عالي طموحي · #1 July 15, 2009, 09:06 AM

يجينا الفرج بكرا.. يا بنتي بس لا تبكين

انا مااستحمل دموعك .. وهمساتك تبكيني

نشف دمعي على خدي يا بنتي من ثلاث اسنين

وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين

حرام الدمعة في عينك تعانق ماضي سنيني

تعالي واحظني فرحي .. وقولي للفرح اهلين

وخلي حزنك بقلبي .. دخيلك يابعد عيني

اشوف الدنيا بعيونك .. واشوف الفرحة بك يا زين

وانا مالي سواك إنتِ .. وإنتِ شمعة تضويني

علام الهم في قلبك .. يابنتي ليه ماتحكين؟

ابيك تكسري همك وانا امك قولي حاكيني

يايمه حالتي صعبة انا.. والفقر صرنا اخوين

اعيش بظلمة همومي والاقي الهم يكويني

معاقة يمه من صغري .. معاقة تشتكي حق مين

مدام ان البشر تنظر لحالي بعطف يعميني

اناظر هالبشر واسال ..انا وش موقعي الحين؟؟

وش اللي يميز الأعمى عن اللي شوفهم زيني

فقيرة حظ يا يمه وحالي تعمي العينين

من اللي يعشق ويهوى معاقة حظها شيني

سألتيني وش اتمنى ؟؟يايمه منيتي شيين

يكون الفرح اولهم بعدها تعيش رجليني

انا ودي ومنا عيني يكون لجسمي بس رجلين

تساعدني على برك .. وبرك غايتي وديني

يا ليت الناس ترحمني وترحم حالة المسكين

ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين

وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين

كلامي ازعجك ادري .. وادري الدمع يشكيني

دخيلك يمه لي رجوة مدامك قادرة تكفين

ابي لي لعبة يا يمه تكون الصادقة بعيني !!

طلبتك يمه هاتيلي عروسة مالها رجلين

وابيها تكون في كرسي .. ( معاقة ) مثلي ترثيني؟؟

واخيرا

الإعاقه ليست

إعاقة ابدان

بل إعاقة عقول

اتمنى ان تنال اعجابكم كما نالت اعجابي
وللامانه
م
ن
ق
و
ل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجميلة فى عصمة رجلين !!!!!!!!!	ذكرى الرحيل	روايات و قصص منشورة ومنقولة	14	December 17, 2009 04:19 AM
ابرة الظهر .. فوائد وعواقب	لوندون	امومة و طفولة	1	August 5, 2009 04:44 PM
ابرة مهدئة	وحي الواقع	النصح و التوعيه	1	July 11, 2009 07:17 PM
طلبتك..يما هاتيلي عروسه..مالها[رجلين..!	آحسآسي آلمآسي	شعر و نثر	3	December 23, 2008 11:55 AM

طلبتك يمه هاتيلي عروسه مالها رجلين قصيده اثرت فيني

شعر و نثر