|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
July 13, 2009, 10:53 AM
|
||
|
|
||
|
الحب
كذا يعني .. كذا فجأه .. تغير كل شيً فات كذا زالت مواثيق الغلا والحب من ذاتك !! كذا كنتي .. كذا صرتي .. كذا خيبتي الهقوات كذا .. والا كذا .. ضيعتي دروبي وخطواتي !! انا مل الامل فيني .. يدور للشفاه اصوات عجز صوتي ينادي لك .. قضى قلبي من سواتك !! نصيتك والوفا زادي .. رحلتي والقلوب اشتات مصايب والرجا خايب .. تقود خطاك رغباتك !! كبيره طعنتك هذي .. تعودتي على الطعنات غريبه حيل ذا المره .. ولاهي مثل طعناتك !! سألتك بالذي خلى عيونك تذرف الدمعات تكف الدمع لاتجني على خديك دمعاتك !! انا ما قد خبرت اني تعمدت اجرحك بالذات وانا ماهمني غيرك اعيش من اجل مرضاتك !! سرقتك بالزمن لحظه وعشتك بالفراق اوقات ولا ادري وش بقى لي بالعمر من دون لحظاتك !! أحبك .. رحت ادور في قواميس البشر كلمات عجزت القى حروفٍ تستريح بصدر كلماتك !! أحبك .. يا ندى فجر الجروح وصحوة العبرات أحبك .. كلمةٍ تبكي معانيها على شفاتك !! تظنين الوفا كلمه عجب واصل الوفا وقفات صغير الشي في ظنك يصير اكبر معاناتك !! تردين الخطا يمي .. تزيدين الالم شرهات وانا صمت الشقا فيني حكى من كثر شرهاتك !! توالت كلها فجأه .. تعاظم بالحشا صدمات يجي يوم وتواري شمسنا من ليل صدماتك !! ذكرتك .. والدروب اللي تعانق خطوتك بالسكات وانا ما زلت اسافر بين نظراتك وضحكاتك !! ذكرتك .. وانطفى جمر الكلام وذابت الشمعات سهرتك واستفزيت النجوم بليل خصلاتك !! تعالي .. واذرفي دمعك على قلبٍ كثيره مات تعالي .. واخذي الباقي يفيد لوقت عزواتك !! تعالي .. لاتخلين السنين المقبله تقتات من افراحي ولحظاتي وطرباتي .. وسبحاتك !! تعالي .. وواعديني .. لاشقا .. لاكذب .. لاغلطات ترى ما للصبر باقي على كذبك .. وغلطاتك !! تغيرت ولا ادري وش جرى .. وش غير النيات سألتك واعتكف برد الجواب ف معطف آهاتك !! تقولين انت في راحه .. واقول من القهر هيهات انا لا جيت للراحه .. تطاردني مسافاتك !! رووووعه هذه الابيات اعجبتني حيييييل ونقلتها لكم تحياتي لكم مع كل الحب 
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الإنسان قبل(~الحب~) وبعد (~الحب~) وعند (~الحب~) | أبو عذاب | كلام من القلب للقلب | 34 | March 3, 2013 08:27 PM |
| هذاا الحب ياناس ( قصه جدا قصيرة واقعيه تعبر عن الحب الحقيقي) | angel eyes | روايات و قصص منشورة ومنقولة | 32 | April 18, 2012 04:50 PM |
| أختبار الحب الحقيقي..........هل معلوماتك عن الحب صحيحة...جرب بنفسك..!! | هدى إبراهيم | قسم تحليل واختبار الشخصيات | 61 | October 22, 2010 02:10 AM |
| اذا كنت تحب وتزعم انك تعرف معني الحب فما هو الحب من وجهة نظرك الشخصيه | thelegend_2_m | مقالات حادّه , مواضيع نقاش | 36 | October 10, 2010 04:19 PM |
| اقوال مأثوره فى الحب ...الحب فى عيون الاخر. | مصريه شقيه | كلام من القلب للقلب | 7 | February 18, 2009 01:20 AM |
العرض العادي
