فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #1  
قديم July 12, 2009, 11:42 PM
 
Messenger أسيل و سلطان / قصة واقعية

السلااام عليكم...الييييكم هذه القصه الواااقعيه.....!!



جالسه بجنب اغلى شخص عندها....وفي اول الاسابيع من الزواج..

وبالتحديد بالطياره... وهي راجعه من شهر العسل...كانت فاتحه اللاب توب وتكتب موضوع في منتدى غرام...!!!

وهو نفس الشيء فاتح الاب توب وداخل على الأسهم...لأنه من كبار الهوامير في سوق الاسهم في السعوديه...!!

و اعلن كابتن الطياره بربط الاحزمه لأن الطياره بتهبط...

فيصل:ياالله حبي سكري اللاب توب الحين بتهبط الطياره...!!

اسيل:ان شاااء الله ياقلبي...!

هبطت الطياره و رجعوا لأرض الوطن..!

ومع مرور الايام جات لفيصل رحلة عمل...ويمكن تاخذ 3 شهور...!!

سافر وترك اسيل عند اهلها...!

(((فااصل...فيصل واسيل عيال عم...من يوم هم صغار وهم يحبون بعضهم..وكللل العائله

تعرف ان اسيل لفيصل وفيصل لأسيل...<<<محجوزين لبعض!!..نرجع)))

كان فيصل يدق على اسيل كللل يوم بالليل ويقعدون يكلمون بعض بالساعات ...!

و قعدوا على هالحال لمدة شهر كااامل وفي ليله من الليالي طول فيصل وما دق على اسيل..

اسيل استغربت...ودقت عليه ومارد عليها المره الاولى والثانيه والثالثه رد عليها واحد من اصدقاء فيصل

من اللي كانوا مسافرين معاه...وبلغها بصعووبه ان فيصل مات......!!

كانت مصدوووومه كثير لدرجة ان في ايام العزاء ما بكت بس تقولالله يرحمه ويسكنه الجنه...!!!)

ومرت الاياااااام والاسابيييع والشهووور...ومرت سنه و كم شهر على موت فيصل..!!

تقدم لأسيل شابين من قرايبها لخطبتها...واحد اسمه تركي(24 سنه) والثاني سلطان(26 سنه)...!!

فالبدايه كانت راااااافضه انها تتزوج بعد فيصل انسان ثاني...!!

ولكن ابوها وامها اقنعوها بصعوبه انها توافق لأنهم مو باقين لها...!!

قررت انها توافق بس مشان ابوها وامها مو لأي احد ثاني...!

احتارت بين تركي وسلطان...مع انها تعرف ان سلطان يحبها قبل لا تتزوج فيصل..

وفي ايام خطبتها من فيصل دق على جوالها وقالاسيل صدقيني لو تزوجتي فيصل مستحيل اتزوج غيرك)

وهي طنشته وما عبرته في ذيك الايام....!!

استخارت وفكرت مين بتااخذ...تركي الشخصيه المرحه الفرفوشه الطيبه اللي حالتها الماديه اقل من عاديه..

ولا سلطان الوسييييم واللي يحبها من يوم عرف معنى الحب واللي كل الناس تحبه وتشهد عليه برجولته وشهامته..

وحالته الماديه كثيييير كويسه و هو اصلا مدير شركه كبيييره وارثها من ابوه له ولأخوانه ولخواته..!!

مع ان الأختيار سهل بين الاثنين..بس فكرت وقالت لو اخذ سلطان الناس بيقولون انني طامعه بفلوسه..!!

وللأسف اختارت غلط...واختارت تركي..

اخوها (عبدالعزيز) اللي كان صديق سلطان..زعل عليها وعصب وقالها انه مستحيل يوافق على تركي..هي عندت

وقالت هاذا اختياري وانت مالك دخل..وابوها بعد هاوش عبدالعزيز.. ومن يومها صار ما يكلمها ولا يسولف معاها

و لما الخبر وصل لسلطان..انهبل..انجن..!!!

كيييييييف..كيييف ما ياخذ اسيل نظر عينه..كيف ما ياخذها وهو اللي يحلم بها من يوم وهي صغيره..

والطاااامه الكبرى انها بتاخذ عدوه اللدوود تركي..تركي اللي يعرف انه ادشر واحد يعرفه...!!

مرت الايام...و سلطان حالته من اسوأ إلى اسوأ..صااار ماياكل شيء ابدا..

وعضلات جسمه صارت مجرد جلد على عظم...!!!!

صار
طوووووول وقته في غرفته..واللي كان يطفي لمباتها كلللها الا من نوور خفيف من الابجوره

كان يرفع على اغنية (والله مايسوى-حسين الجسمي..او فقدتك)!!!

كان كللل يوم يبكي اسيل يبكي اللي فقدها وفقد قلبه وحياااته مع فقدانها..!!!

مرت ايام الخطوبه والملكه وايام الزواج...!

اكتشفت اسيل بتركي اشياء كثيييييير...!

ومنها انه يطع مع بنات....

و انه سكييير..!!!...كان في كل ليله يطلع وما يجي الا النهار من اليوم الثاني...!!

واذا جاء على طول يروح ينااااام وما يقوم الا في الليل وهكذا...!!(مع هذا كلله عمره ما مد يده على اسيل)

وفي يوم من الايام..وتركي حاط الشماغ على كتفه ويمشي لجهة الباب بمشيته العربجيه..وكانت اسيل جالسه تطالعه..

وتفكر في نفسها..((بالله كييف اخترت هالزباله عشان يصير زوجي...!!! كيييييف فضلت ذااا على سلطان اللي يحبني

ويموت فيني...!!!!!))

تركي:يالله تامرين على شيء؟!!

اسيل:هه..(بأستهزاء) كأنك تهتم..لااا ابد ما ابي الا فرقاك..!!

تركي: وش قصدك؟!!

اسيل: قصدي واااااضح يا تركي بلا غباااء..ابي الطلاق...اصلا انا ماااا اعرف كيييف وافقت على واحد مثلك؟!!

ماااااا اعرف كييف فضلتك على سلطان...!!!؟؟

تركيببرووووود) بس تبيني الطلاق..اجل خلاص انتي طالق وبكره بتوصلك ورقة طلاقك...بس انا اذا رجعت ما ابيك

هنا يمكن يجوون ناس..!!

اسيل:ههه قول بنااات وخلصنا..!!!!

وطلع و تركها...!!!

وهي رجعت لبيت اهلها بعد ما دقت على عبدالعزيز اخوها...!!

........................................ لما وصل الخبر لعند سلطان..!!

دخلت (امل) اخت سلطان لغرفة سلطان وبيدها كاميرة الفيديو وهو ماحس فيها...وقعدت تصور ام سلطان لما دخلت..

ام سلطان:سلطااان ابوووي يا سلطان..!!

(كان جالس على مكتبه ويكتب ..وصيه..قصيده..الله واعلم)

سلطان:نعم يمه وش تبين تكفين خليني..!!

ام سلطان:سلطان ابوي ما سمعت الخبر؟!!

سلطان: اي خبر؟!!

ام سلطان:هههه اسيل...

سلطاننزل راسه بأسى وحزن كبييييير) لاااااااا يمه تكفين لا تقولين انها حامل...!!!

ام سلطان:هههههه..لااااا مو حامل..اسيل تطلقت من تركي...!!

سلطان: يمه تكفين بلا كذب انا مو صغير تلعبين عليه...بعدين خلاااااص يمه انسيني انسي اني على ذا الوجود ولاااا
تحاولين انك تطلعيني من ذا الجو ابداااا.. يمه اسييل راااااحت يا يمه خلااااااااص مالها رجعه..!!!(ودمعت عيونه)

ام سلطان:هوو سلطاان وش ذا الكلام...كيف انساك وانت ولدي..وبعدين مو عيب عليك تقول لأمك كذابه؟!!!

سلطاان:ااسف يمه..بس غصب عني..!!

ام سلطان : الله يهديك يا وليدي..!!

(وقبل لا تقول شيء ثاني..دق جوال سلطان وشاف المتصل (عزوز)<<عبدالعزيز ورد عليه..!!)

سلطان:الوو..هلا..ايه..يعني الخبر صدق؟!!((ابتسم بقووه))..اييه..مشكووور يالله جايك جايك!!!

(وسكر السماعه وهو مبتسم بقوووووه وغمازاته باينه من ابتسامته..سكت شوي وبعدين نط نطه قوووووويييه وهو

يصاااااااارخ بفرح)

امل:مبروووك سلطان..ههههه!!

سلطان:الله يبااااااااارك فييييييك ياااا اجمل امل في هالكون..واسيل تطلقت اسيل تطلقت..!!!

عااااااشووووو..ورى ورى...كللووووووووووووش!!!!!(يرقص ويضم امل ويضم امه ويضحك)

ام سلطان:ياليتها متطلقه من زمان...!!

سلطان:خلااااااااص الحييين اسيل ليييي..لي انااااااا وبسسس...لسلطااااااااااان...اسييييييييل لييييييي...!!!

يالله يمه انا مواعد عبدالعزيز بأطلع معاه الحين تامرين على شيء؟!!

ام سلطان:هههه واخيرا بتطلع من البيت....لااا ماابي الا سلامتك..!!

سلطان: يالله مع السلامه..(طلع من باب الغرفه وهو لابس بيجامته!!!)

امل:ويييين طاالع غير بيجامتك اول...ههههههه!!

سلطان:يوووووه بغيت اطلع كذا..ههههههه!!

((وطفت امل الفيديو))

.............................. بعد العده بيومين بس..!!

وصلوا اهل سلطان يخطبون اسيل......اسيل كانت في غرفتها جالسه وعندها امل...!

امل:هااه وش قلتي؟!

اسيل:ماااا ادري وش اقولك يا امل بس انتي اخته وما اق....

املقاطعتها)لااااااا تقولييين كذا يا اسيل انتي صديقتي ومااا في شيء بيغير علينا...حتى لو رفضتي سلطان

مستحيييييل بيوم اتغير عليك..بس قبل لا ترفضين ابيك تشوفين هالفيديو بعدين قرري...!!

(حطت اسيل الشريط وقعدت تشوف سلطان لما قالوا له انها تطلقت...وكسر خاطرها حييييييييل...!!

وقعدت تدمع عيونها وبعدين قعدت تبكي وهي تضم امل بقوه وهي تكرر.....)

اسيل:موااافقه..موااافقه..موااااااافقه يا امل...والله موافقه..!!

امل:هههههه...اجل نقول مبروك يا عروستنا؟!!

اسيلوهي تمسح دموعها) ههه قوولي..!!

امل:اجل خليني ادق عليه ابشره تلقينه جالس على جمر الحين...!!!

اسيل:لاا مو الحين..!!

امل: اجل متى؟؟!!...ولا تبينه يمووت من الانتظار...!!؟؟

اسيل:لاااااا بسم الله عليه..!!

امل: بدييييينا من الحين..!!؟؟هههههه...!!

...

...

...

...

وتمر ايام الخطبه والملكه من احلى ايام على الاثنين..(سلطان و اسيل)..!!

كاااانوا الاثنين كأنهم مخلوقين لبعض..سلطان رجعت لياقته مثل قبل او احسن بعد...!!

واسيل احلووووت حيييييييل عن لما كانت عند تركي...<<سبحان الله من النفسيه.!!!

وبعد زواجهم ب3 شهور....!!

وفي الصباح...كانت اسيل قائمه من النوم بس جالسه على السرير وتطالع في سلطان..!!

وهي تفكر كيييييييف قدرت بيوم تفضل احد على نور عينها سلطان...وتتحمد ربها مليووون مره

انه رزقها بسلطان اللي صار عندها اغلى من حياتها...!!!!

وفجأه..ابتسم سلطان وهو مغمض عيونه...بعدين ضحك..!!

اسيلشهقت)...انت قاايم من اليوم وانا احسبك نايم...يالنصااااب..!!!

سلطان:ههههههه..اسف يا قلبي...صبااح الخيرحبيبتي..!!

اسيل: صباح النور يالنصاب..!!

سلطان:هههه...يالله بسسسسسرعه(يأشر على خده الايمن)...بوسة الصباح يالله يالله بدوون تأخير زايد..!!

اسيل:اممممم..طيب لحظه شوووي...(وقفت ومشت الييين وصلت عند الباب)

سلطانجلس وهو في السرير)..وييييين بتروحين..والبووسه؟!!!!!

اسيل:امممم..عنااااد فييييييييك..اليوم مااالك بووسه..!!

سلطان:افااااا تبخلين علي ببوسه؟!!(ومد شفايفه على قدام يقال انه زعلان!!)

اسييل:والله لو تسوي كذا من هنااا اليييين بكره..وإذا تبي بوسه تعااال والحقني...ان كنت قدها يا سليطين..!!!

سلطاان: يوووه ماااالي خلق الحين..!!

اسيل:اجل وش اسوي فيك مافي بوسه...!!

سلطان:اجل اناااااا اوريك(وقام من السرير ولحقها وهي ركضت لتحت)

اسيللما وصلت تحت..كانت تسمع صوت خطواته على الارض..وهي تخبت خلف عامود نص الصاله اللي تحت..

وفجأه صوت خطواته هدت اليييين ما اختفت...هي استغربت..ولماكانت بتطل..الا يجيها واحد من خلفها ويضمها..!!)

اسيلشهقت)يمممممه....!!

سلطان:هههههه..عشان ما تعاندين بعدين..!!!

اسيل:حرااام عليك خوفتني..!!

سلطان:خفتي؟!!

اسيل:الا قوول قلبي طااااح...!!!

سلطان:اااسف يا قلبي بس مااااا اقدر استانس الا ببوسة الصباح..!!!

((كل هالكلام وهو ضامها من الخلف وهي ما تشوف وجهه))

اسيل:هههه..اجل ماااا فيييه لأنك خوفتني..!!

سلطانقرب من اذنها وهمس)..انتي ماا تفهمين يا غبيه انا احبك..اموووت فييييك!!!(وباسها على خدها)

اسيل:ههههههه..فكني..ههههه..(وبصعووووبه قدرت تفك نفسها من جسمه الضخم مقارنة بجسمها القصير..

وركضت لبعيييد شوي)

اسيل:هههه ..(طلعت لسانها)...اتحداااك تمسكني الحييين..!!!

سلطانطالعها بحب كبييير..بعدين صااااارخ بصوت عاااالي)..يااااااااانااااااااااااااااااااااااااااا اااس احبها..!!!!!

اسيل:ههههههه...!!!

...................................

.................................................. .....

....................................

امي:اسييييييييييييل قوووميييييييي من النووووم.............!!!!

تخيلواا بعد كل هالرومنسيه وهالفيلم الهندي يطلع حلم......!!!!!!!

صراااااااحه بغيييت امسك الساعه اللي بجنبي وارميها على امي.....!!!

المهم انني قمت من النوم..وسلطاان وفيصل وتركي وامل كللللللهم كانوا خيااااااال..وهم

سراااااااب.... وعبدالعزيز اخوي الكبير.....هههههه بعد مجرد خياااال مثلهم..!!<<<<انا اكبر اخواني..!!

ورجعت لعمر 16 سنه بعد ماكنت في الحلم (23 سنه!!!)

يمكن تقولون يااا سخفها بعد كل هالقصه تطلع حلم ....!!!

بس ماااا تتخيلون هالحلم وش سوى فيني...!!

قلب كياااني فووووووووق تحت...!!!

صرت من كثر ما افكر بسلطان...حبيته..!!!!!

مع انه مجرد حلم على قولتكم...!!!


وانا حبيت تشاركووني في هالقصه الخيااااليييييه...بجد..!!

تكفووون ردووودكم تهمني كثييييييييييير....!!

منقول
عاشقة ضوء القمر
رد مع اقتباس
  #2  
قديم July 13, 2009, 12:52 AM
 
Love رد: أسيل و سلطان / قصة واقعية

شكرا لكي علي هذا الموضوع
و ننتظر لك كل مواضيعك
وشكرا
تقبلي مروري
حنين الدموع
الصور المرفقة
نوع الملف: bmp 111111111.bmp‏ (74.3 كيلوبايت, المشاهدات 16)
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
مزيل الهموم خايف غدر الزمان الطب البديل 0 March 28, 2008 10:47 PM
منتدى لم اعرف اني مسجل فيه الواعظ الترحيب بالاعضاء الجدد ومناسبات أصدقاء المجلة 6 February 28, 2008 02:48 PM
عقاقير مزيل الهموم امة الله النصح و التوعيه 3 September 3, 2007 02:12 PM


الساعة الآن 05:35 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر