قصيدة لشاب فقير خطب بنت عمه المليونير..قصيده رهيبه مررره ...

عالي طموحي · #1 July 10, 2009, 06:11 AM

السلآم عليكم ورحمة الله وبركاته

أخباركم إنشاءالله بخير...

اليوم جبتلكم قصيده لقيتها فاحد المنتديات وحبيت إنزلها لكم لآنه من جد تتكلم عن الواقع ...

ماراح أطول عليكم إتركم مع القصيده ...

7
7
7
7

قصيده رهيبه مرررره

سبحان من يرزق بتوع الملايين*** الرازق اللي ما يخيب الرجا به

لي عم عنده معرضٍ للصوالين ***أموت واعرف بس من وين جابه

وإذا سألته قال بعت الدكاكين***ما يدري إني ما هضمت الإجابة

الشاهد إني رحت له قبل يومين***في قصره العامر ودقيت بابه

قال أرحب أرحب عدّد ورد البساتين***يا مرحبا باللي لفا يا هلا به

قلت البقا عدّ النفل والرياحين ***يا شيخ شمل أهل الكرم والذرابه

قال اسلم الله يحفظك لي من العين***وآمر أوامر حضرتك مستجابة

قلت الصراحة طالبٍ قرب غالين*** ودي تزوجني كريمتك يابه

ثنّى وقال أهلين والله وسهلين***والكون ترخص لجل عينك رقابه

لكن ترا عندي شروط وقوانين***قلت اشرط اشرط يا حبيب الغلابة

قال أولاً مهر العروسة ثمانين***غير الرسوم وغير حق العصابة

والثانية عمك يبي منك سبعين***رسم الأبوّة والنسب والقرابة

وأم العروسة حقها منك ستين***عشانها ست الحسن والمهابة

وإخوانها كلن يبي منك خمسين***عداً ونقداً تندرج في حسابه

وخواتها الخمس عطهن من ثلاثين***عشان تتوثق عروق النسابة

وتجيب طقم عيار واحد وعشرين***وخاتم من الماس المصفى ترابه

وأكياس متروسة كعوب وفساتين***ألوانها وأشكالها ما تشابه

وموتر بسواقه وفيلا بدورين***أثاثها من بطرته ينحكى به

واحجز لنا قاعة بقصر السلاطين***واحجز بها رقاصتين وربابه

هذي الشروط اللي على بالي الحين***وذكرني اللي ما حسبنا حسابه

قلت اذكر الله يا عدو المساكين***واستغفره لا يبتليك بعذابه

الظاهر إنك منت عارف أنا مين ***أنا لو أرقى فوق متن السحابه

ما جبت حتى نص درزن مواعين***واضحك بكيفك واعتبرها دعابة

شروطكم هذي شروط المجانين***شروطكم شغل ابتزاز ونهابه

شروطكم تقصم ظهور( البعارين)***شروطكم همّن وغم وكآبه

شروطكم والله سيوف وسكاكين***تذبح بنات المجتمع مع شبابه

وين الرضا والعطف واليسر واللين***اللي ذكرها الله بمحكم كتابه

وين الصفات اللي أمرنا بها الدين **وين اختفى نهج النبي والصحابة

يا عم جعل اللي خلقنا من الطين**يرد عقلك من خطاه لصوابه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحين***ما شفت في مجمل شروطي غرابه

حنا بعصر العولمة والمزايين *** ماهوب عصر الفلسفة والخطابة

الناس تسعى للرتب والنياشين***وأنت اهتمامك بالشعر والكتابة

والشعر ما ينفعك لو هو دواوين***ما دام جيبك مثل بيت الخرابة

يا بوك لا تسمع كلام المصاخين***واسأل مجرب عاش في وسط غابه

قلت الله أكبر يا محرر فلسطين ***من يسمعك يحسبك ذيب الذيابه

تراك شايب رأس مالك ريالين ***والبنت ما تسوى جناح الذبابة<<< خربت الأخلاق

قال انقلع مالت على وجهك الشين****لا عاد أشوفك عندنا يالزلابه

قلت ابشر أبشر لكن الباب من وين**وأقفيت من عنده على صوت بابه

قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا السعودي

م حبي ع : عااالي طموحي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصه المليونير الذي اصبح يكنس الحرم	عاصم2009	روايات و قصص منشورة ومنقولة	11	July 18, 2012 08:27 AM
شاب فقير خطب بنت عمه المليونير	الدانات	شعر و نثر	2	August 2, 2009 01:55 AM
قصيده لشاب خطب بنت عمه المليونير	§ àĺià §	شعر و نثر	5	May 30, 2009 07:10 AM
قصيده لشاب ماتت امه وهو يقود السياره بتهور	๏̯͡๏ JUST ME	شعر و نثر	2	May 26, 2008 12:57 AM

قصيدة لشاب فقير خطب بنت عمه المليونير..قصيده رهيبه مررره ...

شعر و نثر