|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
August 27, 2009, 03:40 PM
|
||
|
|
||
|
أنا دكتور وأنا فخور
كنت صغير لسه
عمرى يادوب ست سنين أو خمسه ولما وعيت عالدنيا سمعت أبويا يقول دكتور اكبر يابنى وفكر تدخل طب تكون منصور تمسك بالطو فى ايدك تبقى فى وسط الناس مرموق ذاكر فى الثانويه العامه ياإبنى وجيب مجموع تلقى هموم الدنيا دى راحت يومها تعيش مبسوط بينى وبينكو كلى حماس لازم أذاكر فى الثانويه وباخلاص لاجل ما حقق رغبة أمى وابويا واجيب مجموع وادخل طب يا ناس وابقى ساعتها سى الدكتور غبت أنا باحلم بالكليه سنين وسنين حاسس بيها زى العاشق والعاشقين بينى وبينكو كنت حاببها أملى ياناس فى الدنيا أجيبها وبتوفيق من ربى تعالى جه المجموع وأكبر صدمه!!!! أول دخله عالكليه كنت فاكرها قصر وجنه راح أعيش فيها وبحريه تعبت كتير كنت فاكرها راحه لبالى وللتفكير طلعت هى كتر مذاكره وهم كبير مش إشكال لو عالشكل يا سيدى تهون دور فيها عالمضمون مانا فى الآخر سى الدكتور لازم أتعب برضه شويه واعيش منصور وفيوم ماشى شايل البالطو زى العاده راجع بيتنا وكلى سعاده واحد شاف البالطو ندهلى هو سعادتك مش دكتور قلتله أيوه 000عندنا حاله مغمى عليها 000طب بعدين 000تيجى سعادتك لاجل تشوفها أوتراعيها لا ماينفعش يا عم الحج أصل أنا0000 أصلك إيه؟ مش دكتور قلتله أيوه0 بس أنا لسه كده فى الأول 000يادى الخيبه0 مابتفهمش! أمال شايل البالطو ده ليه؟ عيره وبس! بينى وبينكو حتة كسفة مشيت وحلفت لأكون عارفه رحت أدّرب فى المستشفى إهمال ياما ومرضى غلابا ولا فيه نضافه ولا تعقيم ولا دكتور مهتم حكيم ولا فيه رحمه ولا فيه ضمير وساعتها بجد حبيت الطب مش علشان أنا أعلى وأقب علشان عيان فقير غلبان نفسه فى حد يخفف ألمه يعالجه صحيح بس يحبه نفسه فى حد يكون مهتم يوم ماهيكبر إبنى هاقوله عايزك يابنى تكون دكتور مش علشان البالطو فى إيدك ولا عشان الناس حواليك شغل بس يا إبنى ضميرك تسعد ناس محتاجه إليك إعلى وذاكر فكر دايما فى اللى بيصرخ من حواليك وارفع راسك دايما فوق أنا دكتور وأنا فخور 
|
|
#2
August 27, 2009, 10:27 PM
|
||
|
|
||
|
رد: أنا دكتور وأنا فخور
الله عليك ياطالب الطب ...زجل رائع كلامك سحر ..من غير مشرط نعم لطالما الأمل موجود ... يجب التغيير رغم صعوبة الحلم ... نعم يسهل تحقيقه لطالما يحذونا الأمل ... وننظر إلي المستقبل الكثير مما أصبحوا أطباء ...منهم الشفاطين ومنهم النبلاء ولعل صدمة أول وهله تجعلك من أتباع النبلاء الأشقياء دومت بود ...وكن دائما فخور أنك دكتووووور تحيااتي
__________________
 جوة قلبي ...أنت وبس وبدقاتك بأعيش وبأحس قوللي بحبك ...قولها بهمس قولها حتي بنظرة عين روح ياعمري وأسأل قلبك مين حبك ...قدي مين ؟؟؟ (((عيون مشتاقة)))
|
|
#3
August 28, 2009, 03:23 PM
|
||
|
|
||
|
رد: أنا دكتور وأنا فخور
شكرا على المرور كلامك كتير حلو
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| انا الجاني وأنا المجني .. وأنا اللي بعشرتك غلطان | مستووو | شعر و نثر | 21 | May 6, 2009 06:44 AM |
| انا فخور بانضمامي لهذه المجلة | tetomami | الترحيب بالاعضاء الجدد ومناسبات أصدقاء المجلة | 7 | February 22, 2009 12:29 PM |
| فخور بعضويتي في ابتسامة | وليد الجبر | الترحيب بالاعضاء الجدد ومناسبات أصدقاء المجلة | 5 | February 9, 2009 07:49 PM |
| فخور بأنظمامي اليكم . . . . عضو جديد . | شا ا ا طر | الترحيب بالاعضاء الجدد ومناسبات أصدقاء المجلة | 3 | August 4, 2008 08:13 AM |
العرض العادي
