فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم June 15, 2009, 06:40 PM
 
Cry ثلاث سنين << قصيده تقطع القلب


ثلاث سنين انا اخطط لهذا اليوم يابو سعود
تيسر حالي وجاهز اوَفي وعدي بوقته
وفجأة جتني تعتذر..تقول تأخرت لوعود
وانا مستغرب واسمع كأني وعدها خنته !!
حسبت انها تمازحني وتتصنع جفا وصدود
ضحكت بوجهها من قلب..مع انها بايخه النكته
وقالت ارضى بالواقع..قلبي ماهو المعهود
تغير كل شي صوبك..نصيبي ماأظن انته !!
كنت ف يوم محبوبي ولكن ماأظن نعود
وصل من قبل ماتوصل..وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله..ولاكلمته ولاشفته
صراحه أهلي قالوا لي بأنه ولد أصل وجود
وجتني امَه بالصوره..وبكلمات المدح أخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت دام امَه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا أقدر اغيرها..ترى عند العرب منقود
اوافق واعتذر باجر واقول الراي غيرته !
تبي تشرح لي المنقود..تصدق عاد يابو سعود ؟
تبيني اقتنع وارضى بحالٍ عمري ماعشته
انا ماني بقايلها..عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك..وفي ثوبه عقارب سود
ونارٍ تحرق الكوشه وتحرق بيتهم حتى
وموت بليلة الدخله يبرد حرتي ياكود
ولا احس انها بحضنه يلامس خدَ لامسته
عليَ أهون إذا ماتوا ولابنفس السرير رقود
ترى صعبٍ عليَ اتخيل اللي ماتخيلته
عسى قاع الثرى يقسى ويتحوَل صخر جلمود
وحفَار القبر يرفض يسوي فوق مقدرته
ترى دفنه عديم الذات تلوَع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبلٍ من مسد ممدود
يعلقهم من أطرافه وفوقه نارٍ وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دامني حيٍ وبغرس للدعا نبته
وبسقيها نزيف القلب ودمعٍ مارحم لخدود
وتكبر والثمر ثاري من اللي خانني وصنته
انا نذرٍ عليَ اكتب وافجَر هالقصيد رعود
واسمَع كل بشر صوتي عجبته ولا زعلته
واردد للي يسمعني..اذا حبيت (حط حدود )
انا حبيت دون حدود وشوف اللي تكبدته
ثلاث سنين انا ابني وجت (صوره) بكل برود
خذت مني شقى عمري وحلمٍ (قلت حققته) !!!
ثلاث سنين انا اخطط لهذا اليوم يابو سعود
وتوافق من كلام اخته..وصوره (4 ف 6 )
وهذا المقطع الصوت




ان شاااء الله يعجبكم

https://3arabstar.info/up/up/d6d8ac681d.mp3



ولاتحرمونا من ردودكم وأرااااكم
__________________
أستغفر الله الذي لا إله إلا هوَ الحي القيوم وأتوب إليه ..
رد مع اقتباس
  #2  
قديم June 15, 2009, 07:03 PM
 
رد: ثلاث سنين << قصيده تقطع القلب

يسلمووو غلاتي

بجد قصة تقطعع القلب وتحزن انا سمعتها من قبل

وحزنتني كثيررررر


ويوم يوصف كلامها اللى يقهر ويحزن..خاصة يوم يقول في مقطعه الاخير...الله يرزقه باللى احسن منها

ثلاث سنين انا ابني وجت (صوره) بكل برود
خذت مني شقى عمري وحلمٍ (قلت حققته) !!!
ثلاث سنين انا اخطط لهذا اليوم يابو سعود
وتوافق من كلام اخته..وصوره (4 ف 6 )




تغير كل شي صوبك..نصيبي ماأظن انته !!
كنت ف يوم محبوبي ولكن ماأظن نعود
وصل من قبل ماتوصل..وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله..ولاكلمته ولاشفته
صراحه أهلي قالوا لي بأنه ولد أصل وجود
وجتني امَه بالصوره..وبكلمات المدح أخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت دام امَه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا أقدر اغيرها..ترى عند العرب منقود
اوافق واعتذر باجر واقول الراي غيرته !



:::::::::::::::::::::::::::::::::::::::::::::::::: ::::::::::::

يوم يدعي عليها طالعه من قلب جريح من اقرب انسانه لقلبه وربي يحزن


مدام الفعل له ردة فعل والله ابشري بردود
بدعي دامني حيٍ وبغرس للدعا نبته
وبسقيها نزيف القلب ودمعٍ مارحم لخدود
وتكبر والثمر ثاري من اللي خانني وصنته
انا نذرٍ عليَ اكتب وافجَر هالقصيد رعود
واسمَع كل بشر صوتي عجبته ولا زعلته
واردد للي يسمعني..اذا حبيت (حط حدود )
انا حبيت دون حدود وشوف اللي تكبدته
ثلاث سنين انا ابني وجت (صوره) بكل برود
خذت مني شقى عمري وحلمٍ (قلت حققته) !!!
ثلاث سنين انا اخطط لهذا اليوم يابو سعود
وتوافق من كلام اخته..وصوره (4 ف 6 )
__________________




رد مع اقتباس
  #3  
قديم June 15, 2009, 10:17 PM
 
رد: ثلاث سنين << قصيده تقطع القلب

يااااااااااه تسلمي حبيبتي
مرررررة تعجبني هالقصيدة
تقطع القلب
يسلمووووووووو يالغلا
__________________

اللهم
يا سابغ النعم, ويا دافع النقم, ويا فارج الغم

, ويا كاشف الظلم,و يا أعدل من حكم, ويا حسيب من ظلم
,ويا أول بلا ابتداء,
ويا آخر بلا انتهاء ,
اجعل لأخي من أمره فرجا ومخرجا..
اللهم يا سامع كل شكوى , ويا منتهى كل نجوى
,ويا عالم كل خفية,
ويا كاشف كل كرب وبلية, يا قريب غير بعيد ,
يا منجي نوح وإبراهيم وموسى وعيسى ومحمد(صلى الله عليه وسلم), أدعوك يا الهي دعاء من اشتدت به فاقته,وضعفت قوته وقلت حيلته,أدعوك دعاء الملهوف المكروب الذي لا يجد كشف
ما نزل به إلا منك, عجل بفرجه وقر عيني برؤيتة ياحي ياقيوم

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة حزينه مررررررره >>>>> تقطع القلب ,,,,,,,لاتفوتكم تووتوو شعر و نثر 5 July 27, 2010 10:24 PM


الساعة الآن 03:24 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر