فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم June 1, 2009, 06:57 PM
 
أبد .. مآجيت أبآرك لك ..

||×
أبد .. ما جيت ابارك لك ولكن جيت باوصّيك
على الي ناوي ٍ تدخل بها الليله .. مُعذّبْتي

ترى لولا الظروف اللي عطتْك وحدّت محاكيك
قسم بالله ما تدخل عليها لو على رْقبْتي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجل تعطيك
كذا لازم عشان تفوز إنت .. أخسر بتجربْتي

تراها غاليه جداً .. وتكفى .. والله يخليك
تدللها .. تدلعها .. تنسّيها مصاحبْتي

أنا من كثر ما اغليها أحس اني بديت اغليك
ولا تسأل بأيّة حق ولا ّ وش مناسبْتي

لإنك لو بتسألني بتسمع شيء ما يرضيك
لذا ياخوي لا تسأل ولا تسمع لأجوبْتي

أبيك تحطها في داخل عيونك وبين ايديك
وهي دلوعه اعتادت على كثرة مداعبْتي

فداعبها شوي شوي حتى تشتهي طاريك
وشاغبها إلين تقول لك: بطّل مشاغبْتي

واذا هي مالها خلقك..ولا تضحك ولا تسلّيك
تحمّلها وإسألها: يا عمري ليه عصّبْتي

وبالك اسمع انّك يوم تضربها وهي تشكيك
ما يحتاج اورّي لك بفن الضرب موهبْتي

صحيح انك بتملكها ومعك الصك بالتمليك
وانا عارف حدود الله ومن حقك معاقبْتي

ولكن قلّها المجنون وصّاني وهو يعنيك
يقول انّه بينتظرك ولو شيّب وشيّبْتي

وانا مجنونها اللي ما نساها وانت ما يمديك
تغطّي ذكرياتي في هواها.. وربْع تجربْتي

أحس اني تماديت بكلامي.. والغضب حاديك
ولو انّك في مكاني ما تفكّر في محاسبْتي

كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبْتي

وانا ما جيت اخرّب عرسك الليله ولا أذّيك
أنا جيتك عشان اخاطبك واسمع مخاطبْتي

توصّى..وانتبه..واحرص عليها والله يهنّيك
ترى كل الكلام اللي طلَع من ضيقيَ وكبْتي

ولكن ما قدرت انّي أقوله وانت ما يخفيك
أخاف انّي إذا قلته تقوم وتقطع رْقبْتي







و سلامتكم..
||×
__________________











<<يآليت تضغط على الرآبط .,
رد مع اقتباس
  #2  
قديم June 1, 2009, 07:58 PM
 
رد: أبد .. مآجيت أبآرك لك ..

كذا شاءت بنا الأقدار تحرمني لجل تعطيك
كذا لازم عشان تفوز إنت
.. أخسر بتجربْتي

الله عليك اابدااع صح لسااااانك احسااس ولاارووع ....

يعطيك ربي العاافية ولاحرمنا الخالق من جديدك .......
احسااس الكلمات رااقي وحرووفك تنطق جرووحاا تدمي ....

تحياتي لك ومزيد من الووود..


(ماغاب طاريك ..بس غاب الفرح بغيابك)





__________________
اصابني الحزن..واقبل من على البعد ..
مركب احساسك يزفنى لعالم الحب..
ويسقي ورد الشوق داخلي..
وتنبت زهور الولة في عالمي..
ليتك تعلم كم عانيت في ..فراااقك..
كم تجرعت لوعة الحنين لهمساااتك...
كم عانقت الشوق..في غياااابك...
وزرعت امل لقااائك...ب ع د..
رحيلك....

رد مع اقتباس
  #3  
قديم June 2, 2009, 12:21 AM
 
رد: أبد .. مآجيت أبآرك لك ..

حلوآت احلى ششي

مششكور مآقصررت

الله يعطيك العآفيه

لآآآآعدمنآك
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حلوة لمخدة بصوووور khaled ok وصفات الحلويات والعصائر و الآيسكريم 5 October 22, 2008 03:59 PM


الساعة الآن 06:01 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر