قصيده الفيه غزليه

الف الف لفيت اصويحيبي ما فطن لي
راع العيون اللي هدبهن مظلي
اقفيت من عنده دموعي تهلي
الزين في وجه اريش العين محتاس
***
ب البا بلاني حب ضافي الجدايل
واخلي اللي مثل ضبي الجمايل
ماله وصيف مع جميع القبايل
عين الوحش شقر ذوايب هكا لراس
***
ت التا ترا عيني مشى دمعها غيل
قامت تهل دموعها تالي الليل
على حبيبي ساهر وازعج الويل
سهرانة عيني على هجعت الناس
***
ث الثا ثويت وعن هل البيت وليت
يالله ترفي خملتي يوم زليت
يالله يا علام يا محيي الميت
يالله ياللي رحمتك ما منه ياس
***
ج الجيم جعل اللي يلومني بخلي
رجليه من عند المفاصل تزلي
وعساه بالدنيا كفيف ومقلي
ومنين ما وجه يقع له على ساس
***
ح الحا حلي الترف ما عاد نلقاه
اللي كما ضيق المخيلة ثناياه
شبهت خلي عنز ريم بمفلاه
عسلوجه يا خوك تزها بالألباس
***
خ الخا خطاها ساقتن في عصاها
اللي شوى وسط الضماير غلاها
شوفه عن العطشان بقطع ضماها
لو شروك قلبه من ظمى القيض يباس
***
د الدال دمر قلبي سبب شوفتي له
ابو ثمان مثل ضيق المخيله
الجادل اللي مثل خشف الجميله
اللي حنت قلبي حني الاقواس
***
ذ الذال ذراعه يوم ابرق واشوفه
جمار رويان الودايا كفوفه
يا ويل طراد الهوى من وصوفه
من شافها يبشر بقطاع الانفاس
***
ر الرا رميتن عن حياتي وحيلي
حرمتني يا صاحبي شوف اهيلي
لاني من الغنمى ولاني صليلي
حطيت في قلبي وسم الآمراس
***
ز الزا زويت القلب في وسر قده
واقلبي اللي كن موس يقده
الروح عندك يا ريش العين رده
من شوفتي لك دك بالقلب هوجاس
***
س السين ساعه ما بغيت تجيني
عقب الاخير بهجت المسلميني
بيني وبينك سدنا مايبيني
خفي على كل الاوادم والانجاس
***
ش الشين شنن وسط قلبي من البين
عليك يا غض النهد سهرت العين
ما ترخص الحبه على ليه يا زين
ترد روحي يا ريش العين لاباس
***
ص الصاد صاد البين وسط الضماير
اوجس عليهن مثل حامي السعاير
حب الغضي سم على الكبد ساير
واقلبي اللي تقل يصهر بمحماس
***
ض الضاد ضادٍ زين كتبه بخده
يلمع طرقها فوقي النهد حده
من شوفتي للغزو وحالي ترده
راع الخديد اللي تقل لون قرطاس
***
ط الطا طويت الياس من يم حالي
آمنت بالله صرت مثل السلالي
تالي حياتي تقل صابن زوالي
الله يخلص من نشب له بلولاس
***
ظ الظا ظرب قلبي لواهب سمومه
واكبدي اللي باينات ثلومه
باسباب خلي واعسى الله يلومه
اقفى الرجا من عمرنا واقبل الياس
***
ع العين عيني من سبب شوفتي له
دب الليالي ما يبطل هميله
واتل قلبي تل حبل الثميله
تل المقاط اللي نشب له بممراس
***
غ الغين غنى القلب حاديه حمادى
واظن وسط يا عشيري سمادى
لا والله الا خلف ماهو جوادى
اخف من ريش تقفاه نسناس
***
ف الفا فطنت وقمت اجر الونيني
ونه مريض تقعد الميتيني
انا على ناب الردايف حزيني
حبه سقط في قلنا ماله قياس
***
ق القاف قفت دمعتي عن صبيبه
يالله يا جبار كسر المصيبه
وحن قلبي حن حشو ذهيبه
حاديهن اللاهوب في غر الاطعاس
***
ك الكاف كيفي خارب له زماني
قلبي تولع بالهوى واستهاني
ليتي بقبري قبل يفتق حراني
ولا مسني من ناب الارداف مساس
***
ل اللام لمه قلبنا ماعاداها
شاقه قرون كاسيات قفاها
من شوفتي له راح مني تلاها
يمشي بضو خديدها عقب الادماس
***
م الميم ماكل على السد مامون
من بين الخافي على الناس مجنون
كم من صبي هقوتك به الى دون
لاتامن الدنيا تر العفن بلاس
***
ن النون نوار المعاليق خلي
لاشفت زوله خاطري يسفهلي
ودموع عيني بالوطا مستهلى
على الذي عينه تقل عين قرناس
***
و الواو واعيني به النار لاجه
والصدر كن بداخله عجاجه
ابتمنى والتمني سماجه
الصاحب اللي ما لقينا له اجناس
***
هالها هلا به عد ما مات من ميت
او عد من طب الحرم طاف بالبيت
هلا هلا به عد ما اصبحت وامسيت
وعد الجراد وعد حب بالأكياس
***
ي واليا ياليته كل يوم يجينا
ابو نهود مالهجهن جنينا
هلا هلا بالزين صافي الجبينا
عد الزروع وحب ما دايس داس
***




وسلامتكم