|
|||||||
| مقالات حادّه , مواضيع نقاش مقال حاد و صريح تحب ان توجهه لفرد او مجتمع معين |
 |
|
|
LinkBack | أدوات الموضوع | انواع عرض الموضوع |
|
#1
May 20, 2009, 11:49 AM
|
||
|
|
||
|
(مصيبه لما تعيش البنت بدون قيم ومبادئ)
بسم الله الرحمن الرحيم
أغلب الأشخاص لما نمدحهم ونعطي رأينا فيهم نقول بإعجاب: إنسان عنده قيم ومبادى بحياته .. وبعض الأحيان نسأل شخص بكل صرآحه: وش قيمك ومبادئك بالحيآه؟ البعض يجاوب بجرأه وحرية تامه ويعبر عن كل مافيه وبثقه وفخر .. والبعض يسكت ويحتار بالأجابه..!! يحس إن السؤال فاضي وماله أهميه * فاضي لأنه يجهله من الأساس * وماله أهميه لأنه عآيش بحريته مايحتاج لقيود هالفلسفه!!! مابي أطول عليكم بالمقدمه راح أبدأ أشرح لكم كبر وعظم مصيبة إن الأنسان يعيش بدون قيم ومبادى .. وأسمحوا لي على جرأتي بالطرح... ... قبل ما أبدأ كلامي أحب أقولكم إن إحنا بالسعودية بلد الطهاره والنقاء على قولة السايق المصري اللي بلسانه قال هالكلام لما شاف تصرفات البنات اللي يآخذهم معه يوميآ للكليه!! ماكان يتصور إن فيه بنات يفتقرون لهالقيم ولا كان يحس بخطورتها إلا لما لمست سمعته وطالته الأذيه بشغله .. أخونا الكريم تعود يسمع القرآن بالصباح لما يآخذ الطالبات وفي نهاية الدوام بعد .. عشآن مايكسب ذنب أصوات سوالف وضحك البنات الأعلى من العالي وبدون حياء.. واللي أقل تعبير قاله في هاللحظه/ إن البنت عيب يطلع صوتها قدام شخص غريب عيب.. تصور نفسك تشغل القرآن ويجيك صوت أنوثي يصرخ بقوة!!. ((طفي القرآن مانبي نسمعه)) ويعلى عليه صوت الأغآني اللي بخاطرها تنطرب عليها ومالها مزآج للقرآن.. لاتظنون إن البنت فيها (مس) لاسمح الله .. بالعكس مافيها إلا العافيه .. اللي فيها إن ماعندها قيم ومبادى!! ولاتظنون إني أبالغ وأقصد بلد غير بلد الطهاره .. بالعكس هذي شريحه خبيثه ماتمثل مجتمعنا الطآهر .. تصور لما تكون إنسان عندك غيره على محارمك .. وماترضى إنها تطلع من البيت بدون حجابها الشرعي .. مارآح أركز بمسألة إنها عباية كتف أو رأس .. نقاب وبرقع أو غطا خفيف .. لأ .. تركيزي على الأكبر من كذا .. لما تشوف وحده من بنات الشريحه الخبيثه فاهمه الحضاره غلط.. مضيعتها مع ضيآع المبادئ والقيم وضيآع العادات والتقاليد .. يعني لما تشوف طالبه لابسه الميدي تحت الركبه بشبر ورافعه العباية لييييين خصرها وتمشي بين الرجال لجهة باصها .. أعرفوا أن المبآدئ طآرت .. ولما تكون واقف بسيارتك وطفشآن من حرارة الجو وطول الأنتظار عند الأشاره .. وتلتفت على يسارك وتلاقي يد تلوح لك من شباك الباص وتتفاجأه بإن البنت مبسوطه (يابن الحلال شوفني .. أنا بنت وعندي من الجمال مايكفيني .. بذمتك ما أعجبتك؟) >>> هذا لسان حالها وهي مبسوطه من نفسها .. أعرف إن المبادئ تلوح لك بالودآع .. ولما .. ولما .. ولما .........ألخ ... أشياء تشيب الرأس .. وكلما أشوف هالنماذج أنا أو غيري نسأل نفس السؤال: وين أهلها عنهاااااا...؟؟ مستحيل يكون عادي عندهم لما بنتهم تتصرف تصرفات ما تتتجرأ تسويها قدام أخوانها وأبوها !!!! وربي وابصم بالعشره أن هذولا البنات اللي من اللي مآخذين حريتهم في (( البااااص)) لو عرفتوا حياتها في بيتها تلاقونها لابسه *برقع* من الكبت والحكره والقيود حولها وقائمة الممنوعات .. واللي خلاني أقول هالشي .. لما نشوف وقت نزولهم من الباص .. تسحب الطرحه وتلبسها وتعدل نقابها وتغطي عينها .. وتلبس القفازات وتنزل رأسها بالأرض ~~~> وياباص ما دخلك شر !!!!! ما كأنها اللي قبل شوي اللي راميه العباة والطرحه ووووووطفي القرآن يالسايق وبالله ناظري بذا وش زينه ........ ألخ .. ما أدري ألوم الأهل اللي ما زرعوا فيها الثقه ولا عطوها حريتها بحدود مع المحافضه على القيم والمبادئ اللي تفقدها ..؟؟ وإلا ألوم البنت نفسها اللي ماصانت نفسها وأحترمتها ولا خلتها محل أستهزاء لغيرها .. مآبي أتكلم عن اللي يصير دآخل الحرم الجامعي لأن هذا من جد ممنوع وتحوم حوله شبهآت وفضايح ماتنتهي .. كلامي كله عن اللي يصير في باصات البنات ... أسرآر .. وأغلبها تتعلق بالشريحه الدخيله على مجتمعنا .. وأرجع وأقول/ (مصيبه لما تعيش البنت بدون قيم ومبادئ) سؤال.. ماقد شفتوا من هالنماذج..؟ من اللي قدام أهلها شي ومن وراهم شي ثاني ؟؟ وبرأيكم .. هل أن القيم والمبادئ من الأسره له تأثيره على البنت..؟؟ 
|
|
#2
May 20, 2009, 12:12 PM
|
||
|
|
||
|
رد: (مصيبه لما تعيش البنت بدون قيم ومبادئ)
موضوع جميل صراحة أنا لم أكمله لأنه كثير ما وضع ونُقش
قبل كل شيء انت تصف السعودية بأنه دولة النقاء وباقي الدول هذا تجاوز شديد ولا يربو بك هذا سأجيب يا أخي هل إذا قالت بنت يا أخي أقفل القرآن لأنني لا أريد الإستماع ولست في وضع يساعد على الاستعاب أو احترامه بالله عليك هل تجردت من القيم والمبادئ ؟ أنا لست معك البتة في هذا وأما بشأن أن البنت إذا خرجت من بيت أهلها فعلت الافاعيل وتجردت من كل القيم والله هذا يا أخي بسبب الكبت والنفسي ومصادرة الحريات فلو ان هنا حرية فكر وتحاور ونقاش بين البنت وأهلها وإقناعها بما يجب لا جبرها على ما يجب لرأينا غير هذا لأن الشخص يسير وفقا لقناعاته وليس وفقا لما يجب فعله وهنا الاعتقاد والآخر النفاق وأيهما أقوى وأنجح بالله عليك وبعيدن تعال هنا لمن بنت تشاور لك بيدها وتقولك السلام عليكم يعني خلاص صارت كارثة طيب السلامة سنة يا عزيزي والظن أكذب الحديث ما أدراك بأنها ترد السلام لتزداد حسنات قبل أن تصل لبيت أهلها أحسن الظن بها يا رعاك الله أو ربما تحسبك أحد إخوتها أنا حقيقة سأبادلها رد السلام وسأسألها عن حالها وسأتواصل معها إن أمكن فنحن شعوب وقبائل ولابد أن نتعارف ونلقي فكريا ونناقش مشاكلنا الخاص يا شيخ أنت متشدد  
|
|
#3
May 20, 2009, 12:31 PM
|
||
|
|
||
|
رد: (مصيبه لما تعيش البنت بدون قيم ومبادئ)
أخي خالد أشكرك بدءاً على الطرح الجيد
لعلني لن أضيف أمراً جديداً إن قلت أن الحال للأسف ( وبغض النظر لأي وجهة تعليمية ينتمي ) أصبح مؤسفاً وفي غاية الأسف لن أأتي إلا بواقع الحال الذي عشت تفاصيله فلست من محبي الحديث بما لا يُرى ويُسمع الأمر الذي لطالما أزعجني وما زال يزعج الكثير من المعلمات أمثالي والعاملات بالكادر المنتسب لوزارة التعليم ألا وهو الإحتشاد غير المستلطف من قبل طالبات المدارس أمام سيارات أولياء الأمور بطريقة ووضعية للأسف تخدش الحياء الله المستعان ضاع الحجاب الشرعي وضاعت القيم والمبادئ وضاع الأدب وذبحت الكرامات على قارعة الطرق والله لست بمبالغة - وخبرتي للعلم لا تقل في خدمة الوزارة عن عشر سنوات- أن الإلتزام بالخلق القويم والمحافظة على حقوق الطريق والنفس قبلها أصبحت في عداد المفقودات !! ولا أعرف هل من يُلقى عليه اللوم هو غفلة الأهل أم الصحبة السيئة التي تقود والعياذ بالله إلا مواطن الريبة والردى الموضوع طويل وذو شجون ولربما لي عودة فما زال في الجعبة الكثير لكنها وقفة أحببت طرحها هنا وفق الله الجميع لما فيه خير الإسلام والمسلمين
__________________
التعديل الأخير تم بواسطة لغة الإحساس ; May 20, 2009 الساعة 05:06 PM
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شاب يتزوج على زوجته بدون اي سبب؟؟؟؟؟؟؟؟وابو البنت راح فيها | منور النور | روايات و قصص منشورة ومنقولة | 5 | April 27, 2009 06:02 PM |
| مصيبه......لو احبك زووود | عاشقه مستووو | شعر و نثر | 5 | February 4, 2009 08:44 PM |
| فتاة امريكيه تعيش بدون قلب118يوم | اميره الثلج | مقالات طبية - الصحة العامة | 3 | November 30, 2008 11:04 AM |
| احتضان الطفل مهم لصحته | SKRO | امومة و طفولة | 4 | October 22, 2008 08:38 AM |
العرض العادي
