فيسبوك تويتر RSS


  #1  
قديم May 12, 2009, 02:31 PM
 
تانيتك

تانيتك
تانيتك شمس تغسلي وجه الليل ومثثل ملكه الحمام بالطيف تلكاني
وتانيتك تجيني ودك عليك الباب ظلت للصبح مفتوحه بيباني
يكطعني الوكت ولتم وشد الروح كلت أحسن قصيدة أتصير ذرعاني
حتى أ شما قست دنياي وقت الضيج مامدهن وذل الروح للجاني
وفصلت الفرح بس مارهم وياي ولا بسمه أنفصت بس حزني كفاني
تعبني الصبر ومكابر اللجمات وحتى من الدمع مايمسح أرداني
مثل دمع الشمس أنزل وجوي اللكاع وطرب على الحزن والنار بلساني
ترد حتى النوارس من يهزه الشوك ويعني البحر لو رادت تعاني
وانته ولا خبر منك يرد الروح شنهي تعود لو طاب نسياني
بس طيفك بقى اليرسملي جنه ونار وماردك صدى بس هجرك أصداني
جنت أغفى بصوتك غفوة السكران وجنت غفوة طفل من تغفى بحضاني
كلبك ما حجالك ؟ ماشكت عيناك ؟ صوت اليش كام أجرح أذاني
وانته شكد صلف من يهز كلب صوت غرورك يلغي كلشي وينكر أحساني
جبتك للعشك خطار وكرم بيك بالنار أشمرتني ورحت بأحلامي
ذب حبلك علي غركني دمع العين مو ماظل صبر والوكت عداني
العمر مثل السنابل والوكت حاصود وأفواه الرحي يكل موسم اتاني
حنت لوحة حشك وباب كلبك طير وهجرك ماعرف لاوين وداني
جبت كل العمر فلاح وأزرع طيب على الخالي كفر لوراح بستاني
صيفت ابهواك وساحلي الشفتين وتانيتك عمر ودكلي شتاني
وينك هسة أريدك حاير أبلياك راح أحسب وغمض كلبي وصاني
من الواحد أعد وهواي واحد لا كبل رد الطرف كون أنتا بحظاني

__________________
رد مع اقتباس
  #2  
قديم May 14, 2009, 08:23 AM
 
رد: تانيتك

مرحبا اخي ذو الفقار

اقول لكَ الصراحة كان بودي ان ارد عليكَ في اول كلماتك

هنا اراها بس للاسف لا اعلم اذا كان جهل مني باللغة

فصعب علية فهمها

عموما مشكور علي الكلمات

واعذر تقصيري باستيعابها

تحياتي اليك
__________________



رد مع اقتباس
  #3  
قديم May 14, 2009, 03:32 PM
 
رد: تانيتك

صح لسانك وصح إحساسك..

لغه عذبه ولهجه اعذب..

للهجة العراقية حكايةٌ أخرى من الجمال وبحة الحزن لا يشبهها شيء..

كن بالجوار دوماً واتحفنا بالمزيد من بوحك..
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 03:00 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر