|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
May 11, 2009, 09:11 PM
|
||
|
|
||
حَفله وبَنوته ***
 حفله وبنوته حفله وناس وصُحبه وخلق ما عرفهاش معازيم من كل صنف ولون وذكور وَيا إناث فيهم أبو دم خفيف والمكَشرقوى والبكاش ده بيشرب شاى ودى آزوزه وده قُدامه مَزه وكاس لَفيت بعينى على رُكن هادى لَمحت بنوته حلوه باصه نواحيه ودانى احمرِت هه آل أيه خجلان غرقان فى شبر مَيه شويه وسمعت صوت بينده يقول يا عفاف لاقيتها جايه عليا عَدت قُدامى قالت عَواف ما عرفتش انطق واتسَمَرِت رجليا واتلَفِت حواليا لاحد يكون لامحنى وياخُدها آفشه عليا وتانى عَدت صاحبتنا وقفت قالت مالك مستخبى فى بدلِتك قولتلها اعذُرينى قالت خليك إيزى واعتبر الحفله حَفلتك فَكيت عُقدة لسانى وسألتها إنتى معزومه زى حالاتى ؟ قالت العروسه صاحبتى وبازورها يوماتى عُقبال ما نشوف زَفِتك باين عليك الذوق وطَبعَك هادى قولت ده من ذوقِك وخفة دَمِك إنتى آنِستى أوقاتى أيه رأيِك نكون أصحاب إتبَسمِت واتنهِدت قالت على طول كده نبقى اصحاب وترجع تقول ظنونك خابت قولت خابت والا صابت إحنا هنا ننبسط ونعيش شويه ذواتى أعزمِك ع الغدا تعزمينى ع العشا نسهر سوا ليلاتى ضحكت قالت أختشى دانتَ طلعت فالاتى يا سِتنا هاودينى العمر بيجرى ما يستناش تعالى نفرح بُكره وبَعده أبقى قولى بلاش قالت وليه مايكونش دلوقتى أنا لبُكره ماستناش وسيبنا الحفله وسهرنا ليله من زمان أنا ماسهِرتهاش وليالى عَدت جميله أيام وشهور حقيقى ما حاسَبتهاش وف يوم كان معادنا ما جَاتشى وفاتِت شهور ما شوفتهاش وف ليله عاصفه وشتويه لَمحتها مَحميه فى الشمسيه وكأنى مالَمحتهاش ولقيتها بتنده عليا وجايه وبصوت ويا الدموع تقول رَبك تاب عَليه والدُنيا ما تسواش تلعب وتتسلى والله بستره مايتوصاش ياخويا الدنيا ذايله والسما مفتوحه وأبداً مايقفلهاش أفتح للسما عنيك وارفع يا خويا أديك واطلُب ولا تخشاش التوبه دى مطلوبه والخَطوه عليك محسوبه ألحق ماتأجلهاش واياك تستنى بُكره قَدم لاتروح بلاش وكأنى لِسه باحبى حَسيت بفرط لحمى ورجعت اسجُد لربى والرحمه دَخَلِت قلبى ونصيحه منى يا صاحبى وموش حايبقى ذنبى حَكيت ونهايتى عِبره وحسابى عند رَبى لو إنى ماقولتهاش  
|
|
#2
May 12, 2009, 04:21 PM
|
||
|
|
||
|
رد: حَفله وبَنوته ***
جميل جدا جدوتة حلوة ونهاية توبة مبدع كالعادة تقبل بسيط ردي الوردة الندية
__________________
آه كم أعشق نفسي حيث أنت فيها أنت فيها حين أغفو حين أصحو حين أمسي أنت لحني حين أشدو أنت في فكري وحسي ملأُ هذا الكون حبي وهو أورادي وأُنسي وهو ينمو وغدا أكثر من يومي وأمسي وأنا وأنت ضياء سارح شلال شمسٍ في المدىيسري يا حياتي أنت مني جوهر يوقدحسي أنت نفسي *₪ Ξ وردة نديةΞ ₪  لكل من اشتاق للمرآة المعطاءة (تاما هوم) امراة من زمن الحب 
|
|
#3
May 12, 2009, 08:37 PM
|
||
|
|
||
|
رد: حَفله وبَنوته ***
أشكرك جداً الغاليه الورده النديه واشكر مرورك العطر مع تمنياتى لك بدوام الصحه والعافيه 
|
العرض العادي
