فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم May 8, 2009, 02:33 PM
 
قصيده الفيه غزليه

الف الف لفيت اصويحيبي ما فطن لي
راع العيون اللي هدبهن مظلي
اقفيت من عنده دموعي تهلي
الزين في وجه اريش العين محتاس
***
ب البا بلاني حب ضافي الجدايل
واخلي اللي مثل ضبي الجمايل
ماله وصيف مع جميع القبايل
عين الوحش شقر ذوايب هكا لراس
***
ت التا ترا عيني مشى دمعها غيل
قامت تهل دموعها تالي الليل
على حبيبي ساهر وازعج الويل
سهرانة عيني على هجعت الناس
***
ث الثا ثويت وعن هل البيت وليت
يالله ترفي خملتي يوم زليت
يالله يا علام يا محيي الميت
يالله ياللي رحمتك ما منه ياس
***
ج الجيم جعل اللي يلومني بخلي
رجليه من عند المفاصل تزلي
وعساه بالدنيا كفيف ومقلي
ومنين ما وجه يقع له على ساس
***
ح الحا حلي الترف ما عاد نلقاه
اللي كما ضيق المخيلة ثناياه
شبهت خلي عنز ريم بمفلاه
عسلوجه يا خوك تزها بالألباس
***
خ الخا خطاها ساقتن في عصاها
اللي شوى وسط الضماير غلاها
شوفه عن العطشان بقطع ضماها
لو شروك قلبه من ظمى القيض يباس
***
د الدال دمر قلبي سبب شوفتي له
ابو ثمان مثل ضيق المخيله
الجادل اللي مثل خشف الجميله
اللي حنت قلبي حني الاقواس
***
ذ الذال ذراعه يوم ابرق واشوفه
جمار رويان الودايا كفوفه
يا ويل طراد الهوى من وصوفه
من شافها يبشر بقطاع الانفاس
***
ر الرا رميتن عن حياتي وحيلي
حرمتني يا صاحبي شوف اهيلي
لاني من الغنمى ولاني صليلي
حطيت في قلبي وسم الآمراس
***
ز الزا زويت القلب في وسر قده
واقلبي اللي كن موس يقده
الروح عندك يا ريش العين رده
من شوفتي لك دك بالقلب هوجاس
***
س السين ساعه ما بغيت تجيني
عقب الاخير بهجت المسلميني
بيني وبينك سدنا مايبيني
خفي على كل الاوادم والانجاس
***
ش الشين شنن وسط قلبي من البين
عليك يا غض النهد سهرت العين
ما ترخص الحبه على ليه يا زين
ترد روحي يا ريش العين لاباس
***
ص الصاد صاد البين وسط الضماير
اوجس عليهن مثل حامي السعاير
حب الغضي سم على الكبد ساير
واقلبي اللي تقل يصهر بمحماس
***
ض الضاد ضادٍ زين كتبه بخده
يلمع طرقها فوقي النهد حده
من شوفتي للغزو وحالي ترده
راع الخديد اللي تقل لون قرطاس
***
ط الطا طويت الياس من يم حالي
آمنت بالله صرت مثل السلالي
تالي حياتي تقل صابن زوالي
الله يخلص من نشب له بلولاس
***
ظ الظا ظرب قلبي لواهب سمومه
واكبدي اللي باينات ثلومه
باسباب خلي واعسى الله يلومه
اقفى الرجا من عمرنا واقبل الياس
***
ع العين عيني من سبب شوفتي له
دب الليالي ما يبطل هميله
واتل قلبي تل حبل الثميله
تل المقاط اللي نشب له بممراس
***
غ الغين غنى القلب حاديه حمادى
واظن وسط يا عشيري سمادى
لا والله الا خلف ماهو جوادى
اخف من ريش تقفاه نسناس
***
ف الفا فطنت وقمت اجر الونيني
ونه مريض تقعد الميتيني
انا على ناب الردايف حزيني
حبه سقط في قلنا ماله قياس
***
ق القاف قفت دمعتي عن صبيبه
يالله يا جبار كسر المصيبه
وحن قلبي حن حشو ذهيبه
حاديهن اللاهوب في غر الاطعاس
***
ك الكاف كيفي خارب له زماني
قلبي تولع بالهوى واستهاني
ليتي بقبري قبل يفتق حراني
ولا مسني من ناب الارداف مساس
***
ل اللام لمه قلبنا ماعاداها
شاقه قرون كاسيات قفاها
من شوفتي له راح مني تلاها
يمشي بضو خديدها عقب الادماس
***
م الميم ماكل على السد مامون
من بين الخافي على الناس مجنون
كم من صبي هقوتك به الى دون
لاتامن الدنيا تر العفن بلاس
***
ن النون نوار المعاليق خلي
لاشفت زوله خاطري يسفهلي
ودموع عيني بالوطا مستهلى
على الذي عينه تقل عين قرناس
***
و الواو واعيني به النار لاجه
والصدر كن بداخله عجاجه
ابتمنى والتمني سماجه
الصاحب اللي ما لقينا له اجناس
***
هالها هلا به عد ما مات من ميت
او عد من طب الحرم طاف بالبيت
هلا هلا به عد ما اصبحت وامسيت
وعد الجراد وعد حب بالأكياس
***
ي واليا ياليته كل يوم يجينا
ابو نهود مالهجهن جنينا
هلا هلا بالزين صافي الجبينا
عد الزروع وحب ما دايس داس
***




وسلامتكم
رد مع اقتباس
  #2  
قديم May 8, 2009, 04:39 PM
 
رد: قصيده الفيه غزليه

هالها هلا به عد ما مات من ميت
او عد من طب الحرم طاف بالبيت
هلا هلا به عد ما اصبحت وامسيت
وعد الجراد وعد حب بالأكياس
***
ي واليا ياليته كل يوم يجينا
ابو نهود مالهجهن جنينا
هلا هلا بالزين صافي الجبينا
عد الزروع وحب ما دايس داس
***
الف الف لفيت اصويحيبي ما فطن لي
راع العيون اللي هدبهن مظلي
اقفيت من عنده دموعي تهلي
الزين في وجه اريش العين محتاس
***

.................................................. ........


السلام عليكم
ملك روحي
لقد اغرقتنا في بحر ذوقك الرفيع وتالقك الجميل انتضر المزيدمن كلماتك

تحياتي
كانت بصمااتي هنا

كيوت الدلع
__________________


رد مع اقتباس
  #3  
قديم May 8, 2009, 08:19 PM
 
رد: قصيده الفيه غزليه

يا هلابك كيوت الدلع ومشكوره على هاذ الكلام الجميل ورئع
والمرور المميز والعطر يعطيكي العافيه
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيده للشباب فقط ؟؟؟؟؟؟؟؟؟؟؟ فجر الكويت شعر و نثر 15 January 16, 2011 07:21 AM
الفيه العذاب...!! ياذا الخطا كلام من القلب للقلب 4 April 7, 2009 08:59 PM
قصيده غزليه لمدمن نت ............؟ y3yne شعر و نثر 2 April 5, 2009 01:33 AM
قصيده غزليه لمدمن نت >>>>>>>>? y3yne شعر و نثر 0 April 1, 2009 05:10 PM
قصيده سواق الباص الترحيب بالاعضاء الجدد ومناسبات أصدقاء المجلة 1 July 25, 2008 03:33 AM


الساعة الآن 06:16 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر