|
#1
April 20, 2009, 10:28 AM
|
||
|
|
||
فضفضة..
زعلان مني؟
مين إلي غيرك إذا تركتني مين بيحميني وبقويني بوجه هالدنيا لمين بصرخ من قلب انعصر وجع مين غيرك قادر يزرع بسمة تحت حدود البكي مين غيرك رسم الصح وهدى وخط الخطأ وحمى مين غيرك عايشة معه عمري حلو ومرو مين غيرك أنا معه أنا مش وجه تاني طيب .. لمين تاركنيي؟ روحي منك .. عمري بإيدك قلبي إنت حبيبه, حتى ببعدي وتقصيري إنت حبيبه لمين تاركني؟ مين إلي غيرك! ما تحرم عيوني من النظر إلك ما تحرم قلبي مناجاتك ما تحرم عقلي طاعتك ما تحرمني منك.. بتذكّر, من عمر مر إنت معي, صاحب قلبي, رفيق عمري حبيبك صوته بعدو ساكن روحي بتذكّر, آخر كلمة, آخر نفس, آخر رجا كان يكون إلك, ومعك. أصدق دمعة كانت منشانك. أغلى دعوة كانت إنت.. زعلان مني؟ ما إلي غيرك, ما تزعل من روح فيها منك ما تزعل من قلب خلق بإيدك ما تزعل من عيون بكت شوق لرضاك ما تزعل من همس لامس الوريد لما عرف إنك أقرب منه ما تزعل مني , ما تبعد عني, ما إلي غيرك يا من أقرب مني إلي يا من أرحم من أهلي عليّ يا من كل لحظة مرت وبتمر بعيشا من رزقك يا من أول كلمة سمعتها منك " رحمك ربك " يا من أغلى من روحي عليّ يا من روحي نفحة منك يا من رضاك ووجهك نسكي وصلاتي وحياتي ومماتي زعلان مني؟ بعرف إنه غلطاتي كتيرة بعرف إنه بوعد, وكتير مابوفي بعرف نفسي وذنوبها وبعرف إنه في أكتر ما بعرفه.. بعرف إني الأسوأ بعرف إني زعلتك, بس بحبك أقسم باسمك الأعظم إني بحبك بحب يلي بيحكي فيك بحب يلي بذكرني فيك بحب يلي بيشبه أسماءك وبشوفك فيهم بعرف إنه سعادتي فيك بعرف إنك مقصودي ورضاك وحبك مطلوبي بعرف إني كل ما بدي اشكيلك احكيك, اشكرك, ناجيك, فضفضلك, بتكون حدي بتكون صاحبي بتكون الأقرب. يارب ما تزعل مني سامحني يا من لا مولى لي سواك يا من لارب لي إلاّك يا حبيبي ما إلي غيرك ... 
|
|
#2
April 20, 2009, 01:58 PM
|
||
|
|
||
رد: فضفضة..
اقتباس:
 عزيزتى جميله جداً هذه الفضفضه سلم قلمك ونبض قلبك تقبلى مرورى مع خالص تحياتى وتقديرى  
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فضفضة مع اخواني في الله | خالد اشرف | النصح و التوعيه | 4 | April 20, 2009 10:32 AM |
| فضفضة ...نفس عاشقة | semsemeh | كلام من القلب للقلب | 3 | February 6, 2009 11:57 PM |
| هل من معتبر؟؟فضفضة قلوب | امير الاسلام | كلام من القلب للقلب | 0 | July 10, 2008 01:01 PM |
| بس فضفضة | avy | افتح قلبك | 11 | March 23, 2008 08:16 PM |
العرض العادي
