مجلة الإبتسامة

مجلة الإبتسامة (https://www.ibtesamah.com/)
-   كلام من القلب للقلب (https://www.ibtesamah.com/forumdisplay-f_159.html)
-   -   يمه (https://www.ibtesamah.com/showthread-t_472614.html)

جاروط July 17, 2015 10:32 AM

يمه
 
يمه

كان شفتي العيد هنا مسيخ و عجيب

ما زي بلدنا

الناس هنا يا يمه

بالكيمان

صنوف و صنوف

بالألآف

و بيلعبوا كان شفتي يمه

كبار و صغار

بحاجات عجيبة خلاص

يمه

و الغريب و عجيب يمه

الناس هنا ما فيهم الحلاف

عزام ضياف

كل واحدن شايل تلفون

شي بالألاف

صنوف و صنوف

و الأعجب يمه

كان دار تزور أخوك

تركب كم عربات

و تفط كمين بيت

بالميات

و مرات بالألاف

يمه

كيفن الزول يوم العيد

بيقدر يفط بيت

و ما تقول مبارك العيد

و تخت الايد فو الأيد

تعانق أخواك

تقول ليك سنين

يا يمه

شفتي الناس هنا يمه

يلاقيك

و مرات يدقشك عديل

و يقول ليك ( سوري )

و دي يا يمه

بالعربي كدا يقصد معليش

و بشويش يمشي

و السلام مافيش

حتى الفرحة في عيون الأطفال

غبشه

زي لون زولن طفش

و ما بيرجع و لو بكيش


الساعة الآن 02:41 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر