مجلة الإبتسامة - { يا ليت (حزني) مجرد دمع.. وابكيه!! ...}

مجلة الإبتسامة (https://www.ibtesamah.com/)

- كلام من القلب للقلب (https://www.ibtesamah.com/forumdisplay-f_159.html)

- - { يا ليت (حزني) مجرد دمع.. وابكيه!! ...} (https://www.ibtesamah.com/showthread-t_140462.html)

{ يا ليت (حزني) مجرد دمع.. وابكيه!! ...}

{ يا ليت (حزني) مجرد دمع.. وابكيه!! ...}

الصمت يكفي ويشفي صدر راعيه
لا صار كل الحكي ماله معاني

والقلب ما عاد تعنيه المشاريه
والعين ماعاد تغريها الأماني

والخاطر العمس من يقدر يسليه
الناس وإلا الشعر وإلا الأغاني ..؟

يا كاتب الحزن في قلبي وقاريه
في نظرتي في انفعالي في حناني

ياليت حزني مجرد دمع وابكيه
ماهوب عايش معي بين المحاني

ماهوب يظهر علي وأحاول أخفيه
و تصير نظرات حزني هي لساني

لو للسحايب سجن يا عبرة التيه
والله ما احبسك بخفاقي ثواني

مدري ذكرني زمان كنت ناسيه
مدري ذكرت الزمان اللي نساني

كنت أكره البحر وأخاف الغرق فيه
و اليوم أحبه واخاف من المواني

كنت أعشق الجاي بأحلامه وأمانيه
يا ما بنيت بخيالي له مباني

ياما رجيت العطا من مدة يديه
حتى خذا كل شي وما عطاني

سحابه شوق

رد: { يا ليت (حزني) مجرد دمع.. وابكيه!! ...}

كتبت فنسجت الخيال

وأبدعت بالجمال

رآآئع ماكتبته

كلمات قد أبخس في حقها حينما اصفها بالجمال فقط ..

ابدعت فسلمت يمينك ..

تقبل ودي

رد: { يا ليت (حزني) مجرد دمع.. وابكيه!! ...}

حروف رائعه بما تحوية من صدق المعانى

ان قلمك ف له منى التحية

ان كان مما راق لكِ ف لكِ الف تحية

كنت هنا

إحساس مرهف