يمه فديتك من هموم الليالي...
يمه فديتك من هموم الليالي... اعتقد الام تستاهل اكثر من كذا -------------------------------------------------------------------------------- هذي احدى القصائد التي أعجبتني عن الأم أترككم مع القصيدة : يمه فديتك من هموم الليالي يمه عسى ما شر شفتك تونين يمه خذي مالي واخذي حلالي يفداك يا يمه وأنتي تعرفين يمه ترى منسى خيالك قبالي يمه خيالك مسكنه داخل العين إليا سمعت الصوت ينسر بالي وانسى هموم الوقت وانسى الدواوين يمه ترى الجنه معك والمعالي يمه قدم رجلك أحطه على العين أذكر زمان اول وانا فالدَلالي أذكر تعبتي معي وانتي تربين من كثر ما ركض من يمين وشمالي واتعبك ما همي سوى اللعب تدرين وتقولي اجلس يا وليدي ومالي وانا مع الشارع ولعب الوراعين احيان اقول إني صغيرٍ وسالي العب مع الجهال لعب الشياطين يوم اتذكر وش جرى في خيالي مدري عن الأيام وشلون تمشين يوم إني اكسر خاطرك ما ابالي ما همني يمه صغير ومسكين واذكر زماني يوم اشق الريالي يوم الهلل والقرش يسوى الملايين يا حسرتي يا وقتي اللي مضالي يوم(ن) اشوفك طول الأيام تبكين ibtesama10 مدري مرض ولا هموم تصالي مدري تعب مدري كثر ما تحسين يمه عسى روحي وحالي ومالي فدوه لدمعك يوم للدمع تخفين يمه لو الأيام تشرح سؤالي سألت أنا الأيام وينك وانا وين وسألت دمعك يوم بل الشيالي يا دمعة تسوى كنوز السلاطين وسألت حر الشمس وين الظلالي وسألت قمرى الليل ما نورت زين يمه أبي منك السموحه ولا لي مطلب سوى تعفين عني وترضين واخذي من الدنيا ودوك العيالي أنتي لنا الراعي وحنا رعيين وستأذنك وقتى ترى ما صفالي ادعي لمن ضاقت عليه الفلاتين ادعي لمنهو بيدته الليالي عسى زمان راح يرجع وترضين وصلاة ربي عد رمي النبالي على نبيٍ وضح الحق والدين الله يخلي لي ايها ويخلي لكوم امهاتكوم.. |
رد: يمه فديتك من هموم الليالي...
سلمت يداك على هذه القصيده
المعبره بحق الأم ونبقى مقصرين بحق امهاتنا مهما فعلنا تحياتي |
رد: يمه فديتك من هموم الليالي...
ايوالله مقصرين.. منوره لاحرمت طلاتك يارب.. |
الساعة الآن 06:36 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر