مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   مشتاق أنا أسمع منه اليوم .. { لبيه (https://www.ibtesamah.com/showthread-t_249899.html)

طَيف سحابةٍ تُمطِر ! December 22, 2010 03:28 PM

مشتاق أنا أسمع منه اليوم .. { لبيه
 

مشتاق أنا أسمع منه اليوم(لبيه)
ودي أعيش بجوها لو ثواني

بس أتلهف كلمته يوم أناديه
وليا نطق(لبيه) طحت بمكاني

أعيش في عينه وأنا (ميت) فيه
في وسط عينه كون من نوع ثاني

فديت خصلة قذلته يوم تذيه
حتى جبينه صار منها (يعاني)

الموت لاجاه الهوى وصار مشقيه
ثم انشغل فيها وأنا (الموت) جاني

ويا ويل قلبي لا بكىآ يوم ألاقيه
عقب البطا لا شفت زوله لفاني

يقول أنا (مشتاق)والشوق يعنيه
وأقول أنا اللي فيك ربي بلاني

وقمنا نسولف عن (هوى) عاش ماضيه
وبعض الكلام إن قيل زلزل كياني

وقام يتمنى قلت أحقق أمانيه
وأثره تمنى (الموت) كانه نساني

يا زين هرجه لا تكلم يغنيه
حتى كلامه صار مثل الاغاني

وإذا أنتهى وقت اللقى قمت أهديه
وأقول لا تعجل ترى العمر فاني

يقول أنا ما أقدر وأعاند وأسليه
من عقبها يضحك ويجلس ثواني

وأزعله ويفز و أرجع وأراضيه
ويقول أحبك والمصيبة أناني

كان اللقا (عشرة دقايق) وأخليه
وصار اللقا (ساعة) وساوت زماني

وراح يتمشى ماخذٍ قلب غاليه
بس يتلفت وبعيونه معاني

فزيت له مجنون ثم صحت أناديه
ثم قالها ( لبيه ) وطحت بمكاني




[IMG]https://i51.************/28vskfk.gif[/IMG]

حصيصه ام قصيصه December 22, 2010 04:55 PM

رد: مشتاق أنا أسمع منه اليوم .. { لبيه
 
روووووعه رووووعه هالقصيده اختيار موفق

ننتظر جديدك المميزibtesama12

عالي طموحي December 22, 2010 08:39 PM

رد: مشتاق أنا أسمع منه اليوم .. { لبيه
 
تسسلمْ يمناإكْ . ,

ولـأإهنتِ . ,

ككلْ الششــــــــــككرْ . ,


الساعة الآن 11:23 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر