مجلة الإبتسامة - مانِي بقادِر على تغـيير جيناتِك ..

https://im2.gulfup.com/2011-04-09/1302371043931.png

ماني بقـادر علـى تغييّـر جيناتـِك
ما دام طبعك كذا مخلوق فـي دمّـك

دوّر علـى كثـر روحاتـك وجيّاتـك
تلقى المواساه والتحنان عند ..امّـك

لاتبكي اليوم تـو اليـوم مـا فاتـك
الوقت ممدي ودمعك يمسحـه كمّـك

وان ما قبلت النصيحه يوم هي جاتك؟
لاتحسب انـي حزيـن وناقـلٍ همّـك

خلّك على ما تبي تمشـي بمشهاتـك
تمشي على رغبتك وابليـس مزتمّـك

متعـدّيٍ مستـوى ذوقـي ملـذاتـك
اقفيت ضامي بدون الشرب من جمّـك

لوكنت ليلي وانا سهران مـا اباتـك
ولو كنت شوقي وانا مشتاق ما اضمّك

ولو ذبت لي شمع ما نّور مسافاتـك
ولو كنت ورده من الريحان ما اشمّك

لملم على باقـي الذكـرى جراحاتـك
وتذكّر اني ولو ما امدحك !!ما اذمّـك

ما دام هوج العواصف تبتلـي ذاتـك
اخاف تقفـي مـع التيّـار ويخمّـك

من يوم عادك طفـل هـذي معاناتـك
الله يستـر عليـك الحـال ويتـمّـك

وان طعت ياهوه شوف افضل هوياتك
اخير من تبعـة المسمـوم وايسمّـك

الموج لاكبـر مـا تنفـع مهاراتـك
لوكنت سبّاح في عرض البحر طمّـك

لاشك ما ضنتي ..ما تسمع اوشاتـك
الصدق لوعم خلـق الله مـاعمك

وانكـان ودّك تذكّـرهـا بدايـاتـك
من يمي الوصل والتقصيرمن يمّـك

جرّب مع واحـد ٍ غيـري مياناتـك
مدري لواني بعدها صرت مااهمّـك

اكيـد مقـدر علـى تغييّـر جيناتـك
ما دام طبعك كذا مخلوق فـي دمّـك

..’

للشاعر : حمد بن فطيس المري ..
مافييك حيله يا فطيس :lac[1]: ،،

https://www.ibtesama.com/vb/images/icons/rose.gif