مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   ماتت ! (https://www.ibtesamah.com/showthread-t_356418.html)

الشاعر/خالد عيد November 5, 2012 05:18 AM

ماتت !
 
ماتت ..

اللى كانت فى العيون صبية

ماتت اللى عاشت عمرها ضحيه

اتقلعت ورده لسه مفتحتش

بعد ماكانت نبته ف ارض عفيه

سهلت دموع عينى على النزول

بعد ما كانت جفونى عصيه

ايه مخبى تانى يا قدر

بعد ما خدت حته منى

هى منى .. خدتها ومسبتش بقيه

سرقت ضحكه طالعه من القلوب

سرقت صاحبه الضحكه الحيه

هى نور الدنيا لو الشمس غابت

هى القمر المتعلق فى سما زحمه

و بوجودها راقت

هى .. فى قلبى هتفضل حيه

هى .. بطله زمنى و كل الازمان الجايه

...... ..... .....

لمسه ايديها اللى تقدر تدوب

وبنظره منها ع الجمال تصوب

عيونها شمس تضحكلك

متداريه برموش متكحله بالاسود الغامق

تشرق فى جبينها نور صباح رايق

تشوفها لما تضايق

تغرق فى بحور سحرها

ولا يقدر موج ينقذك

ولا حبال النجاه تنفع تطلع غارق

... . ... . ... .

عاشت والحزن ماليها

تلمح ضى خفيف فى عينيها

كأنها ابتسامه ممسوحه دموع

لما تبكى الدنيا تبكى

واما تضحك تفتح الدنيا شبابيك النور

والتراب يصبح دهب فى ايديها

... . ... . ... .

حبيبتى كانت واخده الكون بحر

فى نظره عينيها للدنيا .. تملا الكون سحر

فى حبها

كتبت على حيطان البيوت شعر

بس القدر .. هو القدر

انشقت جوابات حبيبتى

وكانت نتيجه حبنا فى النهايه .. صفر

... . ... . .....

كان نفسى تتنسى الذكرى

ده انا كان عندى مليون فكره

نعيش بيها .. نموت ليها

وغصب عنى كنت بزعلها

ويوم ما جيت اصالحها

سبقنى القدر وعملها

ومن ارض المحبه جه وشالها

مسامحك يا قدر

وانت هتلاقى فين فى دنيتنا ..

واحده ف جمالها

..... ..... .....

ومع مرور الساعات .. وقله الابتسامات

فضلت ساكت .. ببكى عالايام اللى فاتت

واحزن .. عالقلوب اللى عاشت

ومن وسطهم .. سابتهم .. وماتت ,,,


قصيدة .... ( ماتت )

بقلم الشاعر/ خالد عيد ,,

احساس مرهف بالحب November 7, 2012 03:15 AM

رد: ماتت !
 
ما اصعب ان يموت من بوجوده نحيا
بالحبيب تنبض المشاعر ومن دونه نموت ونحن سائرين علي الأرض جسد بلا روح
هنا وجدت نزيف قلم موجع حد الموت
رقائق الحنين بين اروقتك راقتني كثيراً
اهلاً بك ايها الشاعر وفي آنتظار جديدك
كنت هنا
خ ــالد

الشاعر/خالد عيد November 7, 2012 06:59 AM

رد: ماتت !
 
اقتباس:

المشاركة الأصلية كتبت بواسطة احساس مرهف بالحب (المشاركة 2801228)
ما اصعب ان يموت من بوجوده نحيا
بالحبيب تنبض المشاعر ومن دونه نموت ونحن سائرين علي الأرض جسد بلا روح
هنا وجدت نزيف قلم موجع حد الموت
رقائق الحنين بين اروقتك راقتني كثيراً
اهلاً بك ايها الشاعر وفي آنتظار جديدك
كنت هنا
خ ــالد



شكرا جدااااا لك ولذوقك
ودى وتقديرى لك


الساعة الآن 05:19 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر