مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   لو دريت " لو دريت ربي ليه خلقني ... كنت غيري ما هويت وما احتريت " (https://www.ibtesamah.com/showthread-t_102586.html)

مليكة الياسمين May 7, 2009 03:26 PM

لو دريت " لو دريت ربي ليه خلقني ... كنت غيري ما هويت وما احتريت "
 
لو دريت




لو دريت ربي ليه خلقني ... كنت غيري ما


هويت وما احتريت


لو دريت وش صار فيني


لو دريت شوقي وحنيني


يوم اللي على بالي طريت


لو دريت لين قلت أحبك


كيف صارت سنيني


لو دريت بقلبي وش سويت


كانت أشواقك يا الروح ترويني


ليه تسافر يا ظنيني


آه لو تعود ...


من حبك أنا ما ارتويت


ولو دريت ببحور تموج بعيوني


ولو شفت الورد لين زهر ع جفوني


كنت تعرف يا الغلا كم بكيت







لو دريت إني من قبلك ما هويت


وإني قبلك ما عرفت الشوق


وما احتريت


وإنك أول بدر يطل في حياتي


وأول حب من دمي سقيت


آه ... لو دريت


وكم من لو دريت


كنت تترك الدنيا كلها


وكنت غيري ما هويت


وشلون تدري وانت عني بعيد


رغم إن صورتك تسكن عيوني


ولكلمتك ذكرى تغطيها جفوني


وحبك يسري في الوريد


لكنك عن دنيتي بعيد


هاجرت .....


وتركتني عايش وحيد


لكن


و مهما غبت عني يا وليفي


تبقى دائي و الدوا


وأبقى مثل طفل شريد


أنتظر منك لمسة حب وحنان


وغير همسة منك أنا ما أريد





ولو قالوا لك إني مشتاقة لك


ولو دريت


لا تجي يمي


لأني ماريد يتعبك السفر


لا ما أريد


ولا ترسل مرسال حبك في البريد


لأن حبك وأشواقك يوصلوني


قبل لا يوصل البريد


وكل اللي من عمري يا عمري أريد


إني أشوفك بدنيتك عايش سعيد


وانو يعطيك ربي العمر المديد


ولو احتجتني يا عمري بيوم شديد


أعطيك دمي وقلبي


وأهديك شرياني والوريد


وكل اللي مني تبيه ...


وكل اللي تريد


ولو قالوا لك إني أبخل عليك


لا تصدقهم يا قمر


وقل لهم إن روحي لو تغلا على البشر


ما تغلا يا روحي عليك


ولو ردتني أصير من دون نظر


وأعطيك عيوني يا أحلى قمر


بس خبرني ... وغمض عينيك


حتى أرسلهم إليك


وأقول لك اليوم ...


ولين أموت بظل أعيد


يللي ما طارت أشواقي وحطت


غير بين إيديك


بدنيتي أنا أفتديك


وأريدك تعرف لو ما دريت


إن ربي خلقني لثلاثة أشيا


أولها خلقني حتى أعبده


وثانيها حتى أتبع نبيه وسنته


وثالثها حتى أحبك وأحتريك


يا نبض قلبي وعمري الماضي


و عامي الجديد


يللي كنت


ولا زلت


حبي الوحيد




أول مرة أخط مشاعري بما يسمى


بالشعر النبطي


أنتظر آراءكم بفارغ الصبر


كانت هنا


مليكة الياسمين


روح

هدير الموج May 7, 2009 04:41 PM

رد: لو دريت " لو دريت ربي ليه خلقني ... كنت غيري ما هويت وما احتريت "
 
أولها خلقني حتى أعبده



وثانيها حتى أتبع نبيه وسنته



وثالثها حتى أحبك وأحتريك



ما شاء الله تبارك الله

مبدعه واصلي إلى الأمام

و يُسعدني أن أكون أول وحده أرد على موضوعك الرائع

----

تقبلّي مروري ..،

مليكة الياسمين May 7, 2009 04:54 PM

أهلاً بأحلى هدير
 


وصلني من ثواني إشعار


أن هدير قد وصلت دياري


وقد حطت طائرتها في المطار


فأسرعت ... وهرعت


وأنفاسي المتسارعة تتسابق على الأوتار


وأحضرت أجمل باقة ورود و أزهار


لأقدمها لك وأقول لك ...


أهلاً بك


أسعدني أنا أيضاً


أنك كنت أول من يزور جنتي


وأشكرك ... وأهديك مودتي ومحبتي

ibtesama12 ibtesama12 ibtesama12

دمت بحب وبألف خير




الساعة الآن 11:52 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر