مجلة الإبتسامة - قصيده رثاء للشاعر الكبير عبد الله السياري في ابنه خالد

هذه قصيده الشاعر عبدالله السياري في ابنه الكبير خالد

متى ما العباير ضيقت صدري المشحون
.................... ونوت عيني الحـرى تنثـر عبايرهـا
:
ركبت المصفح مبعد الهقـوه المامـون
.................... وتنزحت بعيون ٍ على الصبر عاسرهـا
:
وتنحرت لي رجم ٍ على الوادي المصيون
.................... وتعليت به والعيـن جابـت ذخايرهـا
:
على فقد خالد ونتي ونـت المطعـون
.................... تكض العيون الدمع والحزن حاشرهـا
:
انا ظني احياء ما بقا لي وانا محزون
.................... من الصدمه اللي رب الارباب خابرهـا
:
الى شفت ساره تدّرج بينهـم بالهـون
.................... تعثر وتنهض واقشـر الحـظ عاثرهـا
:
تنادي بـبابا مادرت ذخرهـا مدفـون!
.................... تعلق بمن شافـت وتنخـا عشايرهـا
:
تنحيت عنهم واسبلت عيني المخـزون
.................... اطمـن والـد بناضـري لا يناضرهـا
:
والى خف حزني صحت يا ربعنا تكفون
.................... على الكبد حطوهـا تطفـي سعايرهـا
:
هلا مرحبا يا كل عمري ونون النـون
.................... ظنا من خياله شايفه فـي نواضرهـا
:
انا اشم ريحه فيك لو قيل لي مجنـون
.................... عيون الخلي لو نامت الليـل عاذرهـا

لـ الشاعر / عبدالله السياري ..