مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   صباح الخير يا اجمل بنت (https://www.ibtesamah.com/showthread-t_165583.html)

احمد صلاح محمود January 10, 2010 05:14 PM

صباح الخير يا اجمل بنت
 
صباح الخير يا اجمل بنت

صباح الخير يا أحلى قصيدة
واجمل بنت وارق حبيبة
يالى عشانك عرفت السهر
وكتبت حروف اسمك ع السحاب
و ع المطر
وسافرت بلاد السما
اجيب لك النجوم
واحكى عنك للقمر
ياما قولت عنك لليالى
يا أحلى هدية م القدر
أقولك ايه وانا قلبى مشتاق
مقدرش ليلة ع البعد
ولا اقدر ساعة ع الفراق
مين غيرك يكمل معاى المشوار
مين غيرك ياخدنى للضلة م النار
مين غيرك ينور لى الطريق فى الليل
ويزرع فى ايامى الف نهار
انت وحدك بتقري سكوتى
وبتقري عيونى
وتسافرى لعمرى
تقولى بحبك
أنا حبيبتك أنا أميرتك
أنا أجمل وردة فى بستانك
والغصن الطارح فى شجرة عمرك
بحبك
ومين غيرى راح يقولك
وتستنى منى رد
وتزعلى لو رحت فى لحظة صمت
وأرد ازاى وأنا قتلنى الشوق
و مدوبنى الوجد
بحبك
وعمرى ما أحب غيرك حد
صدقينى مستحيل
صدقينى صعب
يا أجمل ما فيا
يا أجمل ما فى العمر
كفاية ان ضحكت لى معاك الايام
وعرفت بعد العذاب طعم الامان
والليل لقيت له اخر
ولقيت فى عيونك ألف فجر

شعر/ احمد صلاح محمود

Manal.a.m January 11, 2010 06:41 AM

رد: صباح الخير يا اجمل بنت
 
صباحك نوّر ليالي السما

وبين سطوره معنى الوفا

لحب أميرة بين الصبايا

وعشق يدّوب معنى الجفا

وحروف بتلألأ بين القلوب

تشرق فيها .. وتمحى الغروب

وبحر الكلام جواهره ثمينه .. وكلمة " أحبك " احلى جوهرة

~~~~~~~~~~~~~~~~~~~~~
مرحبا أخى أحمد ....

تابعت قلمك فى الفصيح والعامى

وأعجبنى كثيرا فى كلاهما

يسعدنى أن تنضم بإبداعات قلمك بالبوح

وعلى كل .. فى اى من أقسام الموسوعه الأدبيه

سنتابع جديدك

أرق التحايا

منال




وردة ندية January 12, 2010 02:15 PM

رد: صباح الخير يا اجمل بنت
 
صباح الفل

ايه الحاجات الجامدة ديه

بات كلماتك كقطعة من سكر

أُحلي بها كل يوم حين أدخل صفحة الشعر والنثر

فأهلا بك وبما تكتب


الساعة الآن 02:03 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر