مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   سن الطفولة (https://www.ibtesamah.com/showthread-t_52192.html)

@نصراويه حدي@ June 29, 2008 03:54 PM

سن الطفولة
 
https://forum.te3p.com/images/toolbox/myframes/tl7.gifhttps://forum.te3p.com/images/toolbox/myframes/tl7.gif

ياعين هلي دمعتس اليوم ياعين
وارثي حياةٍ ماضية ماتعودي
وقتٍ مضى عشت ابرياض وبساتين
ولاشلت فيه الحمل فوق الزنودي
سن الطفولة يوم لعبي يسلين
طفلٍ صغيرٍ واهتني في رقودي
كنت احسب انّ اللعب دومٍ مخاوين
كنت احسب انّ الخير دومٍ يسودي
ماكنت احسب الليل ليّه يجافين
ولاكنت احسب الوقت ليّه يلودي
طفلٍ مع اطفالٍ وباللعب لاهين
واقلوبنا بيضا ولاهيب سودي
ماهوب وقت اليوم ناس امتعادين
شانت وصارت حاسدٍ وامحسودي
تلونت بيض القلوب ابتلاوين
واصبح صفيّ القلب شخصٍ حقودي
وزين الطبايع ضاع مع جملة الشين
بدا التخلي عن مباد الجدودي
وصرنا نشيل الكرّه بالشر ساعين
وقل الذي بالحب دومٍ يجودي
وصرنا نعيش ابغابتن فيها غادين
وضعنا مابين افهودها والقرودي
وصرنا نعيش ابلا عقولٍ مجانين
العقل ماينفع ولافيه فودي
لاصرت صافي قلب قالوا مسيكين
ولاصرت عايف شر قالوا شرودي
ناس تبسّم لي ولاهي تدانين
تسعى بدّس السم وسط الكبودي
وقل الرفيق اللي بطيبه يماشين
ابن الكرام اللي وثيق العهودي
وصار الجفا والغدر بين المحبين
وصار الوفي يجزيه خله جحودي
انشهد ان الوضع هذا معنين
وجنيت شوكن عقب قطف الورودي
شتان بين امسٍ وقبل امس والحين
والعمر ينقص ياعرب مايزودي
ياليتني ياناس طفلٍ لهاالحين
واكبر همومي لعبن ابلا قيودي
هذي بيوتن من صعوط المجانين
غنا بها يوم الخلايق رقودي

https://forum.te3p.com/images/toolbox/myframes/tl7.gifhttps://forum.te3p.com/images/toolbox/myframes/tl7.gif

تقبلوا تحياتي...
llღ نصراويه حدي ومحد قديllღ


الساعة الآن 11:31 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر