مجلة الإبتسامة

للشاعر احمد الهمامى
ولو انتهيت ومشيت وصبحت كلمه ع الورق
هتفضل آهاتي سنين للفاسدين تعمل قلق
أنا الحقيقه وكلامي عمره ماهينتهي بموتي
وصوتي اللي مكتوم في الحياه بالموت هيصرخ عالملأ

وآه

للشاعر احمد الهمامى
إزاي تآمن يابن بلدي عدوك
عدو جدك وأخوك وأبوك وأمك
تطبيع دا إيه يتنيلوا بنيله
يا عربي أحضن أخوك وبلاش ولاد عمك
وآه
سجين كفيف في زنزانه عتمه وحر نار
محكوم عليه يقضي باقي عمره في الانتظار
بصيص أمل جاي من بعيد ماشفوش
عماه ويأسه رماه في حضن الانتحار
وآه
حياتي بطريقتي هكمل واعيشها
ولو حتى كانت صعبه في معيشها
طريقي ودربي لا يمكن هسيبه
ولو خوفوني بدوله وجيشها
وآه
حرية الرأى مكفولة من زمان فى كل كتاب ودين
والأمر شورى من أيام محمد آخر المرسلين
يعنى أنا أتشجع أقول كل اللى جوايا ولا أخاف
من المحاضر والقضايا والحبس ويا المجرمين
وآه