مجلة الإبتسامة - دخيل الله مو وقته..!!

ღ

على طاري الفراق اللي طرالي بسيرتك الحين
وعلى طاري الجروح اللي طرت لي وجيت في بالي
ღ

دخيل الله ..هالطاري طلع لي فيك بس من وين؟
دخيل الله مو وقته ..وانا تعبان في حالي
ღ

انا من وين ابدي لك معاك وابتدي من وين؟
تبي ابدي من اولها او الثاني او التالي
ღ

بصراحه ما توقعتك؟؟تحطم قلبي المسكين
ولا حتى توقعتك تدفعني الثمن غالي
ღ

معك قلبي قضى عمره على النيه عمر وسنين
وانا ما غير اتأمل على الله ترأف بحالي
ღ

معك أوضح من الواضح ..ولا ألعب على الحبلين
وأنا هذا الأمر مو بس أرفضه..ما مر في بالي
ღ

أضنك كنت تلقاني اذا ناديت امد ايدين
واظنك عارف الطيبه بقلبي اردى افعالي
ღ

وتخيل كنت أتأمل تجي وتسأل علي بعدين
لأني قلت بغيابك ..فال الله ولا فالي
ღ

وأحس بصدمتي سكين ...ياعمي اي سكين!!
احس بضيقه الدنيا تضيق بضيقة احوالي
ღ

بعد ما شفت صدماتي على الدنيا من الغالين
بديت الحين اتوقع تجي الصدمه من اظلالي

م/ن
ღ

ღ