مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   بيقولوا مش كلامى (https://www.ibtesamah.com/showthread-t_161768.html)

ابراهم December 24, 2009 11:27 PM

بيقولوا مش كلامى
 
بيقولو مش كلامى

بيقولوا الدنيا وحشة
والناس اتغيرت
والحب مابينا ضاع
وقلوبنا اتأثرت
وعنينا لما شافت
تعبت وغمّضت
وبعدنا ياما جدا
وحالتنا كل يوم
عالتانى ادهورت
بيقولوا 000مش كلامى
لا قلت كلمة منه
وبسمع ياما عنه
حكايتى معاه كإنه
كلام وسط الحكاوى
بيقولوا000 مش كلامى
بيقولوا عشان تعيش
وسط الوحوش ياساتر
لازم تعرف ما فيش
أى حساب للمشاعر
غير مصلحتى ماليش
والباقى يموت ياراجل
بيقولوا الصدق خادع
بيقلّب فى المواجع
بيضحّك ناس علينا
ويأثر فى المشاعر
ويقولوا الكدب سيدك
معاك دايما يعينك
على صراع الأفاعى
بيقولوا000 مش كلامى
بيقولوا الرشوة حلوة
والواسطة أحلى غنوة
ولو واجعك ضميرك
هتعيش إزاى يافالح
ويقولو الشغل شاحح
وعلامنا مالوش داعى
وإيه لازمتها المدارس
ويقولو الطيبه خيبه
وبكانا يبقى عيبه
وقلوبنا بعد شيبه
هتكون اتحجرت
بمعنى الدنيا غابه
وكل الناس ديابا
ممنوع يعيش غلابا
مبادئنا اتبخّرت
وحياتنا بقت عنيفه
وقلوبنا مش عفيفه
وياويلك لو ضعيفه
أخلاقنا ادمّرت
بيقولوا000 مش كلامى
بيقولوا لمين وفين
دا خارج اهتمامى
طب قالوا دا كله ليه
خلينى أعيش فى حالى
ماقالولى الجبن تاجك
ولو غرّك دماغك
وضميرك لسه صاحى
ومؤمن بالكفاح
وصراحتك هى تاجك
وكلامك من مزاجك
ابقى اتحمّل ياسيدى
هتشوف كل اللى فاتك
طول عمر الشر وارد
بيأثر فى الدماغ
ولو قرشك فى جيبك
لو صاغ هتسوى صاغ
بيقولوا000 مش كلامى
بيقولو كتير كلام
وحرّموا الأحلام
وشافوا الخير حرام
وعلى الدنيا السلام
لويوم اتصدقوا
ومعاكو الدنيا صعبه
وفيه ناس اتغيّرت
وعنينا لما شافت
قلوبنا اتأثرت
لكن وسط الحرام
الخير موجود يوماتى
ووسط الظلم دايما
تلاقى الحق آتى
وبعد الليل نهار
وبعد الضلمة نور
وفيه قمر ليلاتى
وفيه حساب وآخرة
وندم على كل غلطه
والظلم لصاحبه جلطه
وفيه عيون بتدمع
تتمنى زمانها يرجع
الشرأكيد بيوجع
والحق بطبعه سامى
فيه ناس بتقول حياتنا
أحلى وأجمل أمانه
الحق فيها ورده
والحب فيها خانه
وزينتها كلمة حلوه
وجمالها الإبتسامه
والخير جواها غنوه
يوصل بر السلامه
وعشان خاطر ضميرى
وحياتى مش بإيدى
لازم أوصّل رساله
الدنيا الخير ماليها
وضميرنا صاحى فيها
لو قسيت يوم علينا
بالخير بكره نلاقيها
بالخير بكره نلاقيها
00000000000000

وردة ندية December 27, 2009 02:56 PM

رد: بيقولوا مش كلامى
 
مشكور على المشاركة

nemogh February 25, 2010 07:39 PM

رد: بيقولوا مش كلامى
 
مشكور مشكور مشكور


الساعة الآن 09:41 PM

Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر