مجلة الإبتسامة - انا مسافر بقلم القيصر وليد حمدي اسرائيل

انا مسافر ومشواري طويل لايتقدر بالكيلو ولا بالميل

ولسه في بداية بدايته ومشغول وبسأل عن
نهايته ونفسي أشوف لمستقبلي تعديل

وكل ما احاول احلم الف واحد يقولي حلمك يابني مستحيل

عايش في بلدي غريب وحلي الوحيد كان الرحيل

رحلت والحزن ماليني وكنت ماشي ذليل

وصارت حكايتي حكايه وعملوا لشخصيتي تحليل

قالوا عني كلام ينفع يتعمل مواويل

طلعوني كداب وخاين ومن يومي نصاب وعميل

واللي هيجنني الناس صدقوا وقالوا شوفنا بعيونا الدليل

جاتلي رعشه وإتهزيت وفجأه بكيت وهدومي بقت مناديل

رغم البعاد كلامهم عني ذاد وبجد موش قادر اشيل

قد كده انا مكروه بينكم ودمي تقيل علي قلبكم وسئيل

طب اتتم مرتاحين في بعدي وماعدش في مشاكل ولا تهليل

اوعدكم من شكلي هحرمكم ولو مليت السفر قبل ماتشوفوني هتسمعوا الناس بتنادي غريق في النيل

بقلم القيصر وليد حمدي اسرائيل