مجلة الإبتسامة

مجلة الإبتسامة (https://www.ibtesamah.com/)
-   شعر و نثر (https://www.ibtesamah.com/forumdisplay-f_132.html)
-   -   .الطعنه اللي من ورآء الظه ر تنهيكً (https://www.ibtesamah.com/showthread-t_159165.html)

نهى عبدالعزيز December 14, 2009 11:10 AM

.الطعنه اللي من ورآء الظه ر تنهيكً
 
بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
وأغلى من اخوانه بقلبه يعدك

ويا صاحبي هالحين بانت خوافيك
علقتني مابين مزحك وجدك

وش جاك مني ياعشيري وانا اخيك
قبل امس انا صاحبك واليوم ندك

لاضاق صدري من عنا وقتنا اجيك
و اشوف دمعات الغلا فوق خدك

والحين تظلمني وانا منك وفيك
بكل إحترام اقول يا خوي حدك

ثمن كلامك يا عسى الله يهديك
لاصار ماي الوجه يعجز يردك

ثوب الردى ياصاحبي مايقديك
الثوب لا ثوبك ولا القد قدك

انا اول انسان اذا ضقت بجيك
حتى ولا اذكر يوم وقفت ضدك

ماتذكر اني بالوفا كنت اجازيك
وانته تجازيني بظلمك وصدك

لكن خلاص اليوم والله مابيك
النفس طابت سو ماهو بودك

الطعنه اللي من ورى الظهرتنهيك
وشلون لاجاتك من اللي يودك

لا واهني يوم انا اموت بيديك
ذابح وتبكي من ذبحته بيدك

tima December 14, 2009 01:09 PM

رد: .الطعنه اللي من ورآء الظه ر تنهيكً
 
كلمات معانيها
فجرة القلب
لما اصابته في كل كلمة
فعلا احساس
لا يحسه سوى من طعن
كلمات تستحق التقييم
الف شكر حبيبتي على
ما قدمتي تسلمي
ودوما بالتوفيق
وكان الله دوما معك

وردة ندية December 14, 2009 06:34 PM

رد: .الطعنه اللي من ورآء الظه ر تنهيكً
 
صح لسانك

شكرا لكِ


الساعة الآن 12:51 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر