مجلة الإبتسامة

أمانه لاتخلّيني انا بعدك اشوف الموت ... دخيلك ارجعي تكفين امانه لاتخلّيني

انا بعدك حياتي ياحياتي كنّها التابوت ... تضيق وتصغر الدنيا اذا انتي غبتي عن عيني

انا لاقلت انا يطري عليك من القصيد بيوت ... انا شاعرك مجنونك انا اللّي ضاعت سنيني

انا اللّي ضاع في لحظه وانا اللّي انتهاء يانوت ... ملامح وجهي الباهت سراب ولو لمستيني

انا اللّي عاشقك من قبل اعرفك بس سمعت الصوت ... انا اللّي ماعرف طعم السعاده من لقيتيني

انا منهو سقاك بدمع عينه ياثمار التوت ... حميتك عن جميع التّاس وكبرتي براحة ايديني

انا اللّي شايلن همّك وانا همّك وانا لك قوت ... انا من باع ناسه لجل عينك ما عرفتيني

امانه قبل لاتمشي السنين ولا يفوت الفوت ... امانه تذكرين اللّي مضى مابينك وبيني

امانه لاتهون السالفه ترا ماهي حياة وموت ... تراها اكبر ( اهانه ) ياحياتي لو تركتيني

وسلمتكم