مجلة الإبتسامة - أرحـل يـاخـريف .... كفـانـا تخـاريـف ....!!!!

أرحل ياخريف ......

أشهد معايا وقول يازمان ...أصرخ بصوت وكفايه كتمان

وأنتوا ياقلوب مليانه أحزان ...ياللي شربتوا كـاس الحـرمان

النهارده الحلم بيطل نسيمه ... وأسألوا الطير علي الأغصـان

وأنتي يادنيانا غني وأبكي .... دموع الفـرح هي العنـوان

زهقنا من وعودك ياخريف .... المتغطي كان بيك عـريان

نفسنا نحس الدفا بالصيف ... كفايه زرعت جوانـا بـركـان

عشنا معاك ياخريف ف حروب ... ولا يوم هنسلم ونقول مكتـوب

مهما بكينا ولا شكينا ... شمسك خلاص وراها غـروب

هنلغي كلمة مفيش فايده ... والربيع عبيره هيفوح بطيوب

وياللي قطفت عمرنا وشبابنـا ... وخليت القلب يعيش مـرعوب

النهارده ربيعنا أهو جـالنـا ... وهتبقي ياخريف بأمرك مغـلوب

قول ياقلم أتكلم بــووح ... ماراحت أيام سجان الخطـوب

وأنت ياطيري أفرد جناحـك ... وخـلي غنـاك يملا الـدروب

الفصول خلاص راح تتغيـر ... طب ليـه نسلم لزمن معيـوب

الخريف مهما طال عمره قصير ... والربيع لما هل كشف المعيـوب

يـاللا يادنيانا بمطرك أبكي ..... وأغسلي كل غصون أشجارنـا

وأحنا بكلمة حق هنحكـي .... عمـر الخـريف مـايحـدد مصيـرنـا

ولما هل الربيع بحروفـه .... عبيـره فـاح وعطـره غيـرنـا

رجع كلمة تغييـر بقطوفـه .... وخلي الحـلم سكـن جـارنـا

وكل قلب كان مدبوح ... كانت أهـاته بتـوصـف حـالنـا

دلوقتي ياخريف أرحل روح .... كفايه بقي كل اللي جـراللنـا

نفسنا نحس الدفا بوضوح .... خلي الربيع يجـدد أوصـالنـا

أتقطف عمرنا وشبابنـا معـاك .... أرحل ياخريف وده قـرارنـا

خلينا نعيش ولو يوم حـلو .... زمنـك غيـر كل مسـارنـا

والحلم جوانا لو كان مـر .... سيبنـا نعيشـه جـوه مـدارنـــا

من نبض قلمي