مجلة الإبتسامة - حب الوطن فرض على .. دا انا ......ادخل وشوف

الإلياذة المصرية

الجزء الأول

ملحمة زجلية عن شعب عاش ويعيش وسيعيش لينير ما حوله.

مصري يعشق بلاده

بسم الله الرحمن الرحيم

المقدمة:

الإلياذة المصرية

ملحمة زجلية بالعامية المصرية تروي لنا تاريخ مصر عبر العصور المختلفة فلقد وجدت أن تاريخ مصر ليس أكثر من مجرد تاريخ موضوع في كتب من يجهله أكثر بكثير ممن يعلمونه. فأردت عنصر البساطة في التعبير. والتشويق في العرض.

وسيكتشف من يقرأها أنه يقرأ التاريخ لكن بأسلوب جديد وفريد من نوعه فهذه تعد أول تجربة في تاريخ مصر وسميتها بالإلياذة المصرية نسبة إلى إلياذة هوميروس الذي صور لنا حرب طروادة في عمله الشهير الإلياذة الإغريقية.انتظروني في أول حلقات الالياذه مع تحياتي

منظر طبيعي

*****( الإلياذة المصرية)******

(1)

فى حب مصر بقول قصايد

بأ تمنى أنشرها فى الجرايد

ياما كتبت عن بلادي

وكل مجد من أمجادي

من أول جد فى أجدادي

ولأحدث عصر فيه أولادي

من مينا موحد القطرين

وأرض واحدة بدل أرضين

وتاج تحفة يسر العين

وكان فى الأصل فيه تاجين

وصعيدي شارب مية نيل

وألا صل مصري شريف ونبيل

دا حكالنا حكايته على الصلايه

توحيده لمصر والله حكاية

وهزم أعدائه فى النهاية

وكانت مصر من البداية

(1)

وقبله كانت فيه حضارات

بسنين يتعدوا بالآلفات

فى جنوب الوادي والفيوم

نقادة دير تاسا فى أسيوط

فى الدلتا معادى وعين شمس

وهي صاحبة ديانة الشمس

وحضارة بني سلامه

بنا يه مش هدامة

برعوا فى صناعة الفخار

مارسوا النقش علي الأحجار

صنعوا سلاحهم من الظران

وتماثيل صغيرة من الصلصال

وغيرها حضارات كانت موجودة

وبقت أطلالها غير مفقودة

سموها عصور الأحجار

وحد يد ونحاس عصر الأفكار

وبرونز كمان عرفوا الكتان

زرعوه وحصدوه يمكن أطنان

عبدوا واجه حية كبرى

وأنثى النسر نخبت عبرا

وست ونيت وأتون

عبدوها كل يوم

(3)

وبعد وحدة الأرضيين

على يد نا رمر أبو تاجين

حكم مصر أسرتين

أولى وتانيه ثنيتين

حكم فى الأولى ست ملوك

جر واجى دن عنجاب

وسمر خنت وقاع ألقاب

دول فراعين مصريين

قادوا الشعب دول حاميين

سياسة حكيمة قيادة عظيمة

ربطوا الدلتا بالوادي

زرعوا الوحدة فى وادي النيل

جنوا حضارة شعب أصيل

حكموا فى البرعو الفرعوني

يعنى القصر العالي زرونى

وكل ملك كان ليه ألقاب

حوري نبتي نسوبيتى

ابن الشمس فرعون حاكم بيتي

(4)

وبعد الأسرة الأولى

جات الأسرة التانيه

وملوكها تمانيه تمام

والدنيا أصلها فانية

جه حوتب سخموى

وتاريخه مش ما خفي

ونبى رع وسخم خع وخع سخموى

أنا عارف أسماءهم صعبه

لكن مش فى ايدى لعبه

دا تاريخ مكتوب علي البرديات

منقوش محفور على الفضيات

وونج وسنج وبر بسن

وشهره ومجد عايشين

في عيد توحيد القطرين

وعيد السد فى الثلاثين

كانوا يقيموا الاحتفالات

مراسيم وطقوس بالساعات

أعياد دينية وملكية لها أوقات

ولكل ملك أعوانه

ورجال ونساء أقوانه

فى شؤون الري وزراعة

إحصاء سكان وصناعة

فيضان النيل إذا كان زايد

أو قل كمان كان ليه عايد

شادوا مقاييس فى النيل

للرصد وحسن التدبير

وكاتب مصري في ديوان المال

يدون ويسجل ألأحوال

بعثات لمناجم ومحاجر

وجنود لحماية المتاجر

أخشاب الأرز من لبنان

وخمور وزيوت من سوريا كمان

صنعوا المراكب الشراعية

أحسن شكل وصوره بهية

علماء فى الطب والتشريح

وملك يبني لنفسه ضريح

(5)

ونهاية الأسرة التانيه مش نهاية

كانت بداية لعصر تانى

فيه التقدم وأضخم مباني

عصر الدولة القديمة

فيها حضارة عظيمة

أهرام مبنية فوق الميه

سموها العصور المنفية

عشان عاصمتها كانت منف

تماثيلها كمان مليون صنف

من التالته للسادسةاسرها

انتظروني في الفصول القادمة مع تمنياتي بالتعليق على الموضوع