مجلة الإبتسامة - هل أنا حقا في قلب زوجي

مرحبا بدي منكم تساعدوني وتنصحوني

أنا متزوجة من سنه تقريبا بحب زوجي بشكل كبير الله يخليه ويحميه

بس مشكلتي معه إني بحس إني مو بألبه مثل ما هو بألبي

هو كان خاطب قبلي ومع أنه ما بيحكي عن خطيبته كثير

بس مره كنت بجنبه وكان عم يفتح الايميل وحط الباسورد وكانت اسم خطيبته

والله شو جرحني الموقف مع اني ما حسسته بشي بس حسيت أنه روحي انجرحت

هو بقولي انه انت راضيتيني بكل شي يعني بسمع كلامة وبتفنن كثير باني ضحكة وساويله كل شي بحبه

وحرام والله هو كمان بيرضيني ... بس كثير من تصرفاته بدل على انه بأي فرصه بتصحله بخوني يعني هو مسجل بمنتدى وكل قائمة الاصدقاء اللي عنده بنات .. مع انه المنتدى فيه رجال كثير

انا ما بفتش وراه بس كل شي عم لاقيه صدفه بحكم انه بنشتغل على كمبيوتر واحد

والله انا عمري ما فكرت خونه ولو بنظره بحبه بموت على دعسه رجليه ...

بس بحس انه حب من طرف واحد يعني انا ما صرت بألبه مثل ما هو بألبي

والله إني حزينة كثير وقلبي عم يتأطع شو ساوي واجهه بتصرفاته وإلا خليها هيك

عن جد ما عم بعرف شو اتصرف وما بدي اتسرع واجرحة بخاف على مشاعره أكتر من مشاعري الله يهديه يارب

ويجعنلي قره عين إله

دعولي حبابين