السلام عليكم
ده اول موضوع ليا فى الموقع ده وارجو منكم المساعدة جزاكم الله خير
أنا عندى 25 سنة واعانى من مشكلة حب الشباب من وقت ما كان عندى 13 او 14 سنة واعانى كمان من الرؤوس السوداء والبقع والندوب فى البشرة من اثار حب الشباب والحبوب متركزة فى الذقن والخدين وقليل اوى ما بتظهر حبوب على الانف والجبهة ومتركزة فى الخد اليمين اكتر بكتير من الشمال واخدت علاجات كتييييييير اوى ورحت لدكاترة كتييييير وكانت الحبوب بتختفى وتظهر تانى بعد فترة
من فضلكم اى حد كان بيعانى من المشكلة دى وحالتة كانت ذى حالتى فى شدتها وربنا شفاه يقوللى عمل ايه
اصل الموضوع ده مضايقنى اوى
وبيسببلى احراج
بس ما حدش يقوللى الحل دواء الروكتان لأنى قرأت عنة ان له اثار جانبية كتير وفى ناس سببتلهم مشاكل وانا بصراحة خايفه استخدمة
وعلى فكرة اللى هيساعدنى هدعيله