الموضوع: شو بدي قلك؟
عرض مشاركة واحدة
  #1  
قديم June 23, 2009, 01:13 PM
 
Wilted Rose شو بدي قلك؟

شو بدي قلك ....؟
كل يوم بوعى عحلم بيحمل صور انرسمت بريشة أمل..
بكتب حروف تخلق لغة تخبي حكي ..
بضحك لإيام موعود يعيشها عمر..
حتى الخيال لغّم الحقيقة جنون سرّب سرار توعّي السهر ينطر خبر ,
يصبّر قلب موجوع ويقلو:
" ومنهم من ينتظر"
بلحظة تعب بغمض عيوني .. وبنسرق لحظة,
وبلحظة...

حنيني إلك بيعبر زمن ..
بيسافر دروب..
بينطر عبابك عمر بلكي ....... وبيسرح حلم..

بلحظة..

طيفك مرء ..غمر جسد ضم ذكرى لإسمك ,رسم لوجك,
دمعة .. بعدا بتكتب "اشتقتلك"..
ودمعة .. ما جفت بعد..

بلحظة..

صار الحجر يذكرني فيك,
صار الغصن يسألني عنك,
حتى المآذن صوتها مجروح بيبكي صداها اسمك..
وبعدا المطارح حاملة شويّة عطر انسكب عغفلة منك..

وبلحظة..

الزمن بضيّع الحاضر..
بدق بعقاربو بواب ماضي سكت..
إيام.. ساعات.. دقايق.. لحظات..
بتحمل عمر باقي,
لقلب باقي,
عذكرى من وجع باقي,
عغياب حبيب العمر...

وبلحظة..

روحي صارت وسع السما..
قلبي حامل عشق البشر..
وانكتب جوا عيوني قصايد حروفها سحر..
حتى صوتي عزف ضحكة وليد, فرحة وطن, نغمة شوق انكتبت مع كل دعوة انرفعت فوق دمع احترق..

وبلحظة..

خطوة بس .... بتبعدني عنك.
نبض قلبي .... همس جوا قلبك.
كلمات حفرتها إلك سر من قبل الزمن .... سمعتا منك.
حلم انكتب قبل الورق قبل الحبر .... وصرت عندك.
دعوة رفعتها بعتمة ليل .... طلع الصبح حدك.


خطوة بس .... بتبعدني عنك..
خطوة بس .... شو بدي قلك ؟



do not forget me..

رد مع اقتباس