هذه القصيده لشاعر اعمى يتمنى النظر وهذه النعمه التي نغفل عنها
ولايحس بها الا من فقدها فلك الحمد ياحي ياقيوم ..
ياعيني اللي نظرها مايقديني ...... وجدي على شوفة النجم اتقدابه
وجدي على شوفة العربان ياعيني ..... وجدي على شوفة المرقاب وارقابه
وجدي على شوفة صفوف المصليني ..... وجدي على شوفة القرآن واقرابه
وجدي على شوفة البدو المعشيني ...... في خايع غب سيله ماتثرابه
قعدت في البيت كني فيه مسكيني ...... ماعاد عني تغطى الزين بحجابه
كني سجيناً وراه ايصك بابيني ...... غدا نهاري وظلما الليل متشابه
حنا ابرجا الله عدال الموازيني ...... نرجي ثوابه وعفوه مالنا الا به
والرد
يالله يالله ياللي تقضي الديني ..... يامعطي العافيه والرزق جلابه
تشفي مريضاً بيوته ولعن فيني ..... ناراً على الوقت طول الوقت شبابه
مع كبرسنه يعاني من عمى العيني ..... مستسلمن للمرض ومنوخ اركابه
العافيه ما يراها الا المريضيني ..... اللي تزايد عماه وكثرت اسبابه
لها وساماً على روس الصحيحيني ...... يشوفها اللي مرض تاجاً على اصحابه
وتاج البصر مايقدر بالملاييني ........ نعمه من الله وحكم الله نرضابه
وصلوا على اللي للامه بين الدّيني ..... عداد من حج بيت الله وصلابه
__________________