الله على الظالم و المظلوم له الله ..
كلمات / عبد اللطيف البناي
للصحبة عز وقدر واخلاص في العشره *** صاحبتني يا اخوي ماهو لوجه الله
تظلم صديق صدق وياك كل عمره *** الله على الظالم و المظلوم له الله
شلتك في عين الغلا من عسره لليسره *** ما مره فيك اخطيت تذكر يا عبد الله
اللي اشتراك بعمر هذا اهو قدره *** الله على الظالم و المظلوم له الله
تشرب غدير الماي وانا اشرب المره *** هذا المثل بالأمس قالوه خلق الله
جلد مهوب جلدك على الشوب جره *** الله على الظالم و المظلوم له الله
احمل في قلبي جرح من عشرة مره *** طعنتني بالغدر ارحم وخاف الله
انت يدك بالماي وانا على الجمرة *** الله على الظالم والمظلوم له الله
***
ملاحظة: "هاذي القصيدة هي كلمات نشيدة الله على الظالم في ألبوم (عناقيد) لشيخ مشاري العفاسي اعجبتني فحبيت أنقل لكم كلماتها (على فكرة إذا سمعتوها بلحن أنور عبدالله وصوت الشيخ أكيد القصيدة راح تكون أرررررررروع)".
أختكم الباحثة في النفس البشرية.