دكتور تكفى وقف الدرس لاهنت!!
وشلون ابفهم حط نفسك مكاني...

لاصار خلي هو حبيبك وانا انت!!
وتشوف خلك رايح لشخص ثاني ..

دكتور أمنتك أمآنه وآمنت!!
منهو وفا فينا ومن هو أناني...

أمشي بدربه ولا انا ماتعينت!!
إلا وجرحه عن دروبه حداني..

تمكن بجرحي وانا ماتمكنت!!
تمكن بغدري بعد ماعماني

أحسنت في ظني ولاظني أحسنت!!
أحسنت في ظني وظني عصاني

دكتور دوني اذا ما تدونت !!
عبره لغيري دام ربي بلاني

السالفه شابت وهي توها بنت!!
ماتت اماني بس تبقى اماني..

دكتور تدري كمل الدرس هونت !!
خلاص أبفهم دام خلي نساني.