قصيدة لشخص يوصي صديقه على حبيبه قبل لايموت...
وصاتي لك من بعدي تموت فيها على شاني
ابيها تعيش وتحيا بك واظل بالذاكره مفقود
وصاتي لك تنسيها ملامح وجهي وتنساني
وتعزف لها قصيدة حب عكس اللي عزفته بعود
تراها مغرمه بالحيل ويشهد لي عدد الردود
وصاتي لك تسايرها ترا فيها من أحزاني
طلبتك لايضيق بالك طلبتك والطلب مردود
وصاتي لك تناديها عمري..حياتي..وازماني أنا عودتها دايم ادلعها وأنا موجود
وصاتي لك تعاملها بطيبه قلب واحساني
تراها تذرف الدمعه ودمعتها بدون حدود
وصاتي لك تحفظها سور وآيات وقرآني
وتخبرها عن الميت رحل لايمكن انه يعود
وصاتي لك ترسمها على قبري وأكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه على اسناني
سعيتك ياضحكه الكون طلبتك لاتكون جلمود
وصاتي لك تقهويه من دلالي وفنجاني
تراه يعشق السمرا ويكفيها دخون العود
وصاتي لك تركبه على خيلي وعلى حصاني
وربي فارس من قلب شهاده ماهي شهادة شهود
وصاتي لك تسفره بلاد الشام ولبناني
ترى يحلله تقطف ورده من بلاد الورود
وصاتي لك ترقصه على ألحان رحباني
ترى فيه من عرق الخاله وفيه من جنون السود
وصاتي لك تحببها فابونوره من بعد هاني
وتنسيه ندم غلطه أنا فيها ترى مقصود
وصاتي لك تكرهه في تاريخي وعنواني
ابيه يلعن اللحظه ويلعن كل فرح موعود
وصاتي لك تكلمه عن المجني وعن الجاني
وتخليني أنا الظالم وأنا من حرق الخدود
وصاتي لك تشبهي بدم أحمر قاني
وأناهالقاتل السفاح مجرم من عصر نمرود
وصاتك لك تحلفه يتوب يحبني ثاني
ترا يكفيها ماعانى ويكفي حيله مهدود
وصاتي لك تنسيه قصيدت قالها لساني
أنا اخبرك رجل موقف وأنت قدها وقدود
صديقي مالقيت غيرك يعرف شلون ينساني
أمانه ضمه بقلبك...
ترى شهد...رحلت ماتعود
تقبوا تحياتي:
ونين الشوووق