عرض مشاركة واحدة
  #1  
قديم April 5, 2009, 09:16 AM
 
Note كلمات أغنية مدرسة الحياة – محمد عدوية & تاكى

مدرسة الحياة

محمد عدوية & تاكى
**********
******
***
*


في مدرسة الحياة أتعلمت حاجات كتير
شوفت اللى عاش فقير وفى الآخر مات أمير
عشان كان عنده حلم بس شبه مستحيل
قدر يحققه مستسلمش للبديل
إحساس جميل لما توصل وتكسب .. والناس بتكدب عشان توصل هتتعب
لازم تفضل صاحي لما تيجي لك فرصه تركب .. متخليش حد يقف في طريقك هتسبق وتلحق
واللى يحاول يشوشك ويشتتك .. عن اللى انت واثق انه في يوم هيسعدك .. متصدقوش .. خليك أد كلمتك .. مستقبلك جوه قلبك متخليش حد يحبطك
ولو وقعت مره حاول مره كمان .. عشان احنا في زمان الضعيف مالوش مكان
ركز يلا وانجز مفيش وقت للكلام .. ده حتى الأكل مالوش طعم لو مكنتش جعان



بتعدي بينا وتلف بينا أيام ..واحنا تلاميذ في مدرسة الحياة
تلاميذ في مدرسة الحياة
بتعدي بينا وتلف بينا أيام ..واحنا تلاميذ في مدرسة الحياة


الحياة زى المدرسة وفيها كتير مدرسين .. والباقي تلاميذ مش عاجبهم الروتين
اللي بقوا مهندسين واللي بقوا مجرمين .. منهم الحقيقي والمزيف بوشين
والسؤال .. لو متابع الأغنية .. إنت شاري نفسك ولا بايع القضية ؟
إنت دارى بنفسك ولا عايش للتسلية ؟ .. مانت عارف نفسك مش محتاج تحليل شخصية
إصحي .. الناس بتجري حوالينا .. واحنا الوقت بيجري من إيدينا .. ونسينا اللي حصل للي تاهوا قبلينا
بلاش نغلط زيهم ونفتح عينينا للي جاي علينا .. مهما كان .. مدرسة الحياة وده ميعاد الامتحان .. وزى ما واحد صاحبي قالها من زمان ..
الحقيقة مسيرها تبان وهنعرفها مع الأيام



والله والأيام عدت أوام .. ياما شوفنا سوا وكبرنا هواااااا
فى مدرسة الحياة ..
والله والأيام عدت أوام .. ياما شوفنا سوااااا وكبرنا أواااااام
فى مدرسة الحياة ..
بتعدي بينا وتلف بينا أيام ... أيااااااااام ... يااااااااا
بتعدي بينا وتلف بينا أيام ..واحنا تلاميذ في مدرسة الحياة
تلاميذ في مدرسة الحياة
بتعدي بينا وتلف بينا أيام ..واحنا تلاميذ في مدرسة الحيااااااااة


************
********
****
**
*
__________________
Burn 2 make U happy

غيرت التوقيع عشان الناس
بس التوقيع مش هو الأساس
وعشان انتوا مش حابينه
طبقت قاعدة الإحساس

HeRo
رد مع اقتباس