اطلبي برموش عينك لايكلفك الكلام=يرخص الغالي لعينك ليت عينك تطلبه
اطلبي فكري وقلبي واطلبي كل إهتمام=لو تبين الكون كله بين كفيك اجلبه
مايلام إنسان هايم في غرامك مايلام=ماعنت للنار رجله مير وقته يغصبه
أشعر إن الكون جنه لو تردين السلام=غيبتك يانور عيني نوم عيني تسلبه
مابي غيرك في حياتي لا ولا غيرك وسام=قلب غيرك ماتجرى في غيابك يقربه
انتي شمس العمر كله دونك أيامي ظلام=يشتكي قلبي لطيفك ليه حبك غربه
الدقيقه في غيابك كنها تسعين عام=آه لو حظي يفز وحب قلبك أكسبه
لو عرفتي كثر شوقي لادنا وقت المنام=تعرفين إن التغلي بالمشاعر ماصعبه
إفهمي حبي لك أعمى مايطالع للأمام=لو تمدّي كاس سم لعين حبك بشربه
آمريني واهمسي لي لايكلفك الكلام=الشرف والعز كلّه للي نفسك تطلبه
alzahrani_07