اكيد في شباب كتير متعلقين ببنات , واكيد في بنات متعلقين بشباب
ده وضع طبيعي ان البنت تتشد للولد وتحبه وكمان الشاب يتشد للبنت ويحبها
جميل اوي اتفقنا

طيب احنا عايزين نسئل سؤال؟؟
ليه بيحصل الحب ده؟؟؟
ربنا سبحانه وتعالى خلق جوه كل انسان الانجذاب للجنس الأخر
يعني الراجل يتجذب للست والست تنجذب للراجل
كلام جميل اوي
طيب ايه حكمة ربنا في كده؟؟
سبحانه وتعالى , خلق الانسان في الدنيا عشان يعيش حياه كريمة يحب ويتحب ويتجوز ويتمتع ويقيم شرع ربنا ويزود عدد الأمة الاسلامية ويربيهم تربية اسلامية عشان دين ربنا ينتصر ويكون له الغلبة , وفعلا دين ربنا حينتصر , والأمة حالياً في حالة ضعف ماتقلقوش بالله حنرجع اقوى , بالله حنرجع احسن , بالله حتنتهي الكبوات والأزمات اللي احنا فيها اقتصادية وانسانية و و و,
ثقوا في الله

طيب جميلة اوي المعاني دي
لأ ارجع اقولكم سؤال مهم أوي

هل رب العالمين خلق الشهوة والانجذاب جوه الانسان عشان يستخدمها في عدم غض البصر , ولا عشان يتحرش بيها , ولا عشان يزني بيها , ولا عشان يعاكس بنات بيها ولا عشان ايه؟؟
حاشا لله , ان رب العالمين يخلق حاجة يتعذب بيها البشر
ولكن رب العالمين لما خلق الشهوة فينا والانجذاب ده وضع ضوابط وقانون , والقانون ده اسمه الدين

ربنا وضع الضوابط دي عشان مايحصلش مشاكل في حياتنا , عشان مانلاقيش بنت بتشتكي من المعاكسات وضياع الاخلاق في الأمة

طيب انت كلمتنا عن القانون , طيب فين القواعد بتاعته اللي بيها كل شاب يخاف على كل بنت وكل بنت تمشي مطمنة؟؟؟

غض البصر والزواج والصوم

طيب مين اللي يطبق الكلام ده , يعني مين يغض البصر ومين يتجوز ومين يصوم؟؟

الكل يغض البصر , شباب وبنات متجوزين ومش متجوزين
سبحانه وتعالى , خلق في الانسان شهوة بس حجمها بغض البصر
قال تعالى
قل للمؤمنين يغضوا ابصارهم ويحفظوا فروجهم ذلك اذكى لهم ان الله خبير بما يصنعون
قل للمؤمنين : كل المؤمنين والمسلمين رجال ونساء شباب وبنات ويقصد رب العالمين البالغين المكلفين , يعني معظمنا
يغضوا ابصارهم ويحفظوا فروجهم : لما نغض بصرنا ومانبصش على حاجة حرام طبيعي اننا نحافظ على فروجنا من الحرام
ذلك ازكي لهم : يعني ده افضل تحصين لهم افضل أمان لهم من المعاصي افضل عاصم , لما نغمض عينيا عن اللي بيغضب ربنا
ان الله خبير بما يصنعون : ده تنبية وتحذير في نفس الوقت
تنبية من رب العالمين انه عارف كل لحظة بنعمل ايه , وتحذير اننا نخاف الله ونخشاه ومن خشيتنا لرب العالمين واتقائنا لله اننا مانعملش حاجة تغضبه

طيب مين يتجوز: القادر على الزواج ماديا وصحيا وقبل وبعد الجواز يغض بصره برضة

طيب مين يصوم : اللي مش قادر على الجواز سواء مادياً او صحياً
قال رسول الله صلى الله عليه وسلم
وفي الصحيحين وغيرهما عن ابن مسعود رضي الله عنه قال قال رسول الله صلى الله عليه وسلم { يا معشر الشباب من استطاع منكم الباءة فليتزوج فإنه أغض للبصر وأحصن للفرج , ومن لم يستطع فعليه بالصوم فإنه له وجاء

الباءة : اللي هي النكاح يعني الزواج
وجاء له : أي وقاية له من الوقوع في الحرام او الغلط