بنت ويتيمه
بنت ويتيمه عايشه بيت الأقراب
رغم انهم اقراب لكن يتيمه
تضحك ودمع العين يسكن في الأهداب
في عمرها الأفراح اكبر جريمه


تفتح لها ابواب وتتقفل ابواب
فيها جروح احباب والله اليمه
تشكي قساة الحظ مع قل الأصحاب
حزن الألم فيها بنا بيت خيمه


حتى شعرها من عنى جرحها شاب
تحيا على ذكرى الأماني القديمه
ذكرى ابوها وامها اعز الأحباب
ماتوا وخلوها وحيده سقيمه



العم ظالماه حسيبه والأقراب
عاشت معاهم للأسف دون قيمه
والله يسامح من ظلم قلبها الشاب
والي تركها تعيش عنده يتيمه