لقياك فيها بهجة النفس والروح .. والقلب يتونس بلقياك يازين

لقياك فيها فايع الورد منشوح .. ولقياك فيها طيب زين الرياحين

أنستنا يا منور الوجه بوضوع .. يا مقرن الحيات يا مريش العين

خديك برق بعاتم الليل ويلوح .. بالمطلعي من تحت برج الميازين

لو بالمسام تسام بيكون مربوح .. سعدي ولو قدمت روحي مثامين

فيك الغزارة والشرف مبعد الصوح .. بعيد عن ظول اليهام الخفيفين

أرتاح يوم ألقاك وإن قلت بتروح .. يضغط فوادي ضغط لفراق لمحين

في مبسمك حلو الدرر فيه منشوح .. والراس ضافي من على الأرداف رضفين

حبيتكم حب مدى الوقت مفتوح .. واخترتكم بين المزايين يازين

اسمك خفي ما أروم أحطه على اللوح .. خوفي الحسود يكثروا بي دواوين

في اليوف في الخافي في لفواد مطروح .. بين الحنايا قرة القلب والعين

سامح إذا تلقى غلط وانت مسموح .. يا دانة عجز كبار المثامين





حبي لكم
ياذا الخطاااااااا

__________________