عرض مشاركة واحدة
  #1  
قديم March 15, 2017, 12:17 PM
 
تشيز كيك بالفرن

تشيز كيك بالفرن

سهل وطعمه يجننن بس انتبهو للخطوات مضبوط
نجهز الصينيه استخدمت صينية مقاسها 10 انش .

.
١- الطبقة الأولى /
13 حبه بسكوت داجستيف + ثلث كوب زبده ذايبه
+ نص م ص قرفه مطحونه + م ص سكر بني ناعم للحلويات + ملعقة كبيره حليب مكثّف محلّى .
تخلطونهم مع بعض زين وترصّونهم بالصينيه .
وتدخلونه للفرن وتشغلون النار من تحت ١٠دقايق .
.
٢- الطبقة الثانيه /
نخفق ٨٠٠ جرام جبنة فلاديفيا أو أي جبنه كريميه ( بس تكون بحرارة الغرفه ضروري لأن لو كانت بارده ماراح تنخلط كويس مع المقادير الثانيه ) ونضيف عليه علبة كامله ساور كريم ( كريمة حامضة ) ٢٥٠ جرام فيه بنات يحطون زبادي او لبنه صدقوني يفرق كثير بالطعم
ونضيف كوب سكر ونخلط بسرعه ولا نكثر خلط بزياده أهم شي تختلط المكونات مع بعض .
الحين في صحن ثاني عميق نخلط بيضتين مع ٣ صفار بيض + م ص فانيلا سائلة إذا مو متوفر عادي بودره + ونضيف ع البيض نصف كوب كريمة خفق نخفقهم زين بالملعقه مع بعض وبعدين نضيفهم بالتدريج على خليط الجبن ونكون مشغلين الخلاط على سرعه متوسطه لين يتمازج الخليط مضبوط ثمن نضيفه على طبقة البسكوت ونحطه بحمام مائي جوا الفرن ونشغل الفرن على درجة حراره ٣٥٠ يجلس ساعه تكفي وبعدين نطفّي الفرن ونفتح الباب شوي ونخلي التشيز مانطلعه لين يبرد الفرن تماماً ثمن نطلع التشيز وندخله للثلاجه ع الاقل ٨ ساعات قبل التقديم وكل ماجلس اطول كل ماكان افضل يطلع طعمه يجننن .
.
٣- الطبقة الأخيره /
كلن ورغبته حطي النكهه اللي تعجبك
و جمليه على ذوقك .. .
.
وبس بالعافيه على قلوبكم

التعديل الأخير تم بواسطة RooT ; May 2, 2017 الساعة 11:19 PM
رد مع اقتباس