يا ضامر السرجوف ليش التغلـي
ليش التغلي وأنت بالحيـل غالـي
غالي ولك دائـم بقلبـي محلـي
ما جاه غيرك يا حَسيـن الدلالـي
ما جـاه مزيـونٍ جنابـه يسلـي
غيرك ترى ما فيه زول ٍ طرالـي
ما كل زولن يا الغظي لـك يحلـي
لا بالجنوب ولا بشـرق وشمالـي
أنا أشهد أنك بالحشـا مستظلـي
بظلال قلبي ما تجيـك الصوالـي
وأبا أنشدك مير أنـت بالله قلـي
وش غيّرك في ها السنين التوالي
وش غيّرك يا أبو الرموش المِظِلي
عن عهدنا السابق بذيك الليالـي
مـن أوّلٍ لا جيـت يمّـك تهلـي
وتفرح بشوفي يا شبيه الغزالـي
واليوم لا جيتك ما عـاد يحصلـي
إلا الجفاء يـا زيـن واعِزتالـي
وإن كان ما غيّرت طبعك أرضلي
والله لا أزيلك يا الغظي من خَيَالي
وأقول روحي جعل زولـك يولّـي
من تيب لي مكسب ولا راس مالي

__________________