فني كهربائي
بقلم جرجس فاروق
يا حبيبتي انا بحبك
وانت نور عني
انت وبعيد بأشتاق لك
حياتي بدونك ظلام
يا حبيبتيي طال بعدك
ماتقطعيش كبل الوصال
حبك كهرباء حياتي
حبيبتي رجعي الانوار
بدونك حياتي لمبة
محروقة بدون زرار
يا حبيبتي انا بدونك
مكرويف بدون سخان
كل دوائر اسلاكي
ارضي بدون تيار
حفرت جوا في قلبي
دفنت لفة اسلاك
مدد حبك وصلاتي
ثبتك بدون جنشات
ترددك يا نورعيني
العقل اتحرق تفكير
كل الاجهزة في كياني
خردة بدون تشغيل
حتي كهرباء دماغي
صفر مؤشر الامبير
يا باور حبي وحياتي
ادخلى فى المفاتيح تشغيل
يا كهرباء وات عالي
تيار ستماية وستين
نور الظلمة في حياتي
شغلي ارجوكي التكييف
يطفي نار بعادك
يرتاح قلبي العليل
يا كهربتي انسي قفلاتي
وافتكري مفتاح الامان
ضربت فيوز دماغي
لما زعلتك زمان
ارجع يا حبي الغالي
وكفاية السلك اللى شاط
ونعيش الحياة الآمنة
ونصلح حب الاعطال
يا حبيبتي المثبت جبته
مفيش تحميل تيار
تعالي يا كهربتي ياغالية
وعيشى فى الكابلات
عيشي الحياة ويايا
ارجعي جوا الاسلاك
ونجيب اطفال جميلة
نسميهم نجفة وكشاف
يا حبيبتي نوري حياتي
وعد منى مفيش قفلات