عرض مشاركة واحدة
  #1  
قديم November 23, 2007, 08:28 PM
 
Tongue #دونات خطييييييرة#

السلاااااااام للكل
هذي وصفة للدونات مرة خطيييييييييرة أنا سويتها قبل يومين واعجبتني وقلت أشارككم فيها جربوها وردولي
أنا من الفجعة جيت بسويها اليوم الثاني بس استحيت على وزنيترا مو دبة


دونات
المقادير:
- 3كاسات دقيق.
- 3 ملاعق طعام حليب بودرة.
-6 ملاعق طعام سكر.
- بيالة شاي زيت.
- ملعقة أكل خميرة فورية.
- 2 بيضة
- كأس ماء.
- سكر بودرة للوجه ( وجه الدونات مو وجهك) بعد القلي.

طريقة التحضير:

- حطي كل المقادير في الخلاط ما عدا الدقيق. (خلي الأشياء السائلة تحت في الخلاط وفوق الاشياء الجافة أحسن لك)
- حطي الخليط فوق الدقيق واعجنيه زين (سوي حفرة بالنص وصبي فيها الخليط بعدين ابدي اعجني أسهل لك .ولا تحاولين بس بالملعقة لأني جربت هههه ولازم إيدك الكريمة)
- حطيها في كيس نايلون أو خليها في الزبدية وغطي عليها .بالنسبة للمدة مع إني قريت إنها ساعة بس ما خمرت إلا عقب ساعتين.
- افردي العجينة و خليها سميكة شوي بعدين قطعيها بحقت الدونات وإذا ما عندك "مثل حالاتي" جيبي كوب وقطعيها. أما من النص جيبي غطا قارورة (علبة) موية وقطعيها.
- اتركيها بعد ما تقطعينها ربع ساعة وغطيها بنايلون بس عشان ما تنشف ( والله أخاف من كثر ما أقول نايلون تقلونه وتخلون الدونات)
- اقليها ( الضمير يرجع على الدوووووووونات) بالزيت.
- جيبي كيس بلاستيك وحطي فيه السكر المطحون بعدين حطي فيه الدونات ورجي الكيس عشان تختلط بالسكر.


وبالعافية