تناديني باسم ثاني وتحلف زلة بلساني
وقلبي يحضن كذوبك عمـاه الحـب صدقنـي
أحس إني غريبة عنك وقلبك هاجَـر أوطانـي
يا خوفي يصدق إحساسي وألاقي الحب ظالمني
أتوه بحيرة أفكاري وأضيـع بغربة أحزاني
أدوّر في الملأ عيونك أناظرها وتصد عني
أناديك بشقـا همـي تروح بعيد وتنسانـي
وأقول بداخلي اصبـر يـا قلبـي لا لوعني
والين أقبلت مثـل الحلـم أقـول الله يهواني
واسلي نفسي بأوهام إهـي بالتالـي تخدعني
أشوفك سـارح بفكـرك بعيـد بعالـمٍ ثانـي
وقلبـي حايـر بأمرك واحساسـه يعذبني
أنا من كثر ما احبك رسمت الكذبة بألواني
قدرت أكذب على نفسي وخاب اليوم بك ظني
حبيبي انت تحب غيري تفضل روح واجفاني
عرفـت اليـوم مقـداري كفايـا لا تعشمني
ولا في داعي تشرح لي وتحلف زلة بلساني
خلاص ارحل لها أرجوك .. لا توقف تطالعني

__________________